co te se lavi
no ‘cori petinarse
el fon no servi mai
co' xe de sugarse
xe lustra la bocia
e qualchedun ghe scocia
co le luci fa riflesso
“ara che bel
te par un specio”
pensa che fortuna
sui oci gnente cavei
riga in mezo no ‘cori far
e del barbier no servi ‘ndar
biondi, bruni o rossi
ma anche sbianchizadi
i miei xe color pele
e poco coloradi
za de un poco
li go persi
e mai li go trovadi
forsi su un'altra testa
i xe scampadi
la moda capeloni
o anche co la cresta
col ciufo o le trecine
meo speladi resta
e per mi
xe poco mal
se la mia testa
par un feral