31 gennaio 2013

Fruti garbi...ma emozionanti!!


(grazie Amici di San Giovanni)
 
 
Te vien i oci lustri
co’ Giuly presenta
tuti xe pronti
nissun che se senta

Magia del sipario
che verzi pian pian
e tuti quanti
ga jazade le man

‘Sto giro xe tante
le novità
el grupo ‘ssai novo
tanto cambià

I mii maestri
tuti in lavor
chi musica e luci
chi sugeritor

In sala Giuliana
Tina e Bobogi
el grupo ghe credi
ieri come ogi

Me vien un gropeto
veder ‘ste emozioni
nei oci de Giuly
dopo tanti ani

In scena col cuor
tuta ‘sta muleria
el tempo fermar
mi voleria

Volessi un momento
sul palco a vignir
chi tanto ga dado
per dopo sparir

E in ‘sta commedia
tra fiaba e magia
che te sia qua’
mi voleria

Scolta l’aplauso
vien zo’ che xe meo
co’ la tua compagnia
nono Nereo!

Sicuro el diria
“bravi ‘sti muleti”
e’l reciteria
un dei sui stramboti!


27.1.13





16 gennaio 2013

pssst...

‘ndo te va?
te cori drio qualchedun?
te son sempre de furia
prova fermarte in mezo a piaza grande
varda’l mar che sburta sul molo
scolta la bora
che vien zo del Carso
ara la gente che ga furia
come te ga sempre anca ti
clacson che sona
file de auti
che volessi passar col rosso
xe de corer in ufficio
e anca i cocai
intriga
un cafè de corsa
i negozi sta vertendo
ma ti no sta moverte
no, no xe tardi
sto giro con ti
se ga fermà anca el tempo

Iera una volta che...


telefonavamo dele cabine
zogavimo guardie e ladri
spazio 1999 iera fantascienza
‘ndavimo zogar packman
le foto iera solo su carta
el meteo iera bernacca 1 volta al giorno
se la balava un lento iera fata
no gavevimo telecomandi
ciao, bravo, et3 co’i scarichi elaboradi
pan buro e zucchero
no i ne portava scola in auto
butime merenda zo’ del pergolo
la bici co’l contropedal
co’ iera partida, una boracia per tuti
50 lire un ghiacciolo
a sciar co’l treno bianco
le bustine de idrolitica
fissete de carta per la cerbottana
19 e 20 happy days
cartoncini co’i ciapini sui ragi dele bici
bevevimo acqua dele fontanele struccando el pedal
sport a diese ani no sarà tropo presto?
tuti in bagagliaio del taunus de zio
cossa xe l’eppi auar?
la escort iera solo un auto
Provemo far cambio co’i muli de desso?

'ssai meo...

...quei che...
se contenta de poco
ciapa le robe come che le vien
no pol piover per sempre
se emoziona ‘ncora

Fruti Garbi

un legero tremaz comincia agirarse
quasi impercettibile
una specie de grizolo zito
el prinicipiar del fermento
quela sensazion de nebia
che par avolger el palco
el sipario ‘ncora serà
el brusio ‘ncora lontan
saremo tuti che sta rivando
brividi, man jazade , stomigo strento
no xe influenza, no xe’l riscaldamento
sto giro emozioni che radopia
che strano:
momento prima el stomigo xe strento
momento dopo se ga fame

A Trieste...SE POL!

spacar l’ombrela co’ la bora
e intanto che zigo in malora
el mio clabuk xe zal ontan
no lo tignivo strento in man
co’ te la senti ‘ssai sufiar
xe un caligo cmainar
e controvento mi che ‘ndavo
tuti i denti me jazavo
co’ la sbatocia par che sia
zent4e imbriaga per la via
che se movi rente i muri
come comtai tuti duri
un scriveva che co’ la bora
semo tuti un fià fora
le refolade sul copin
le fa matìo e anca morbin
cocolo sa cossa? Meo cussì
che tristi e a bola come ti

meo!


rosso de sera...
lasso l’auto in garage

L'aparenza ingana

la befana scarpe rote
passa in zito co’ la scova
tuti i omini de note
la saluda e fa la prova
la vol veder se per bon
lori i la vedi bruta
o i ghe disi befanon
se la vien papuze e tuta
ma se in pizo la se conza
per molarghe el regipeto
drio de boto i ghe svola
anche in gropa al foleto

come se disi?


tanto fumo...
brusà l’arosto