"Per esempio,
se te digo tre volte bon...
cossa te vien in mente?"
28 giugno 2012
Xe meo? Per mi si!
Xe meo un bicer de dalmato
xe meo una ciacolada
xe meo la mia muleria
xe meo una cantada
Xe meo che no te digo
xe meo che lasso star
xe meo che no zigo
xe meo no pensar
Xe meo no far domande
xe meo no bazilar
xe meo i afari mii
xe meo chi sa scoltar
Xe meo no tignir dentro
xe meo lassar sfogar
xe meo no intrigarse
xe meo no remenar
Xe meo l'amor mio
xe meo i veci scoltar
xe meo star nel bucal
xe meo fora no c...
Xe meo far una clanfa
xe meo in zima al monte
xe meo vardar el mondo
xe meo no far le sconte
Xe meo chi xe sincero
xe meo co’ sufia bora
xe meo l'amico vero
xe meo riderghe sora
Xe meo tuto fa brodo
xe meo senza la maschera
xe meo rider coi viz
xe meo che bevo un spriz
26 giugno 2012
10
...vedete di stare un fiatino ziti e di sbassare il volume,
che no' mi tochi ciamare i vigili,
e denunciare per STRAMAZZI noturni...
che no' mi tochi ciamare i vigili,
e denunciare per STRAMAZZI noturni...
25 giugno 2012
19 giugno 2012
La partenza intelligente
Partenza intelligente
de note meo viagiar
per gaver meno fila
no te se devi indormenzar
Se te parti in setimana
te pol anca gaver fortuna
magari xe bela giornada
magari te rivi prima
Ma se te viagi
per ‘ndartela zercar
va pur via nel uikend
e dopo no brontolar
Xe 'ssai de
rider vèderli
dopo gaver carigà i bagagli
i xe za tuti i colori
I speta dieci chilometri de
fila
E dopo rossi come
pomidori
Me vignissi de dirghe:
“perché el giorno drio no
partì?
cossa cambia?
almeno doman xe lunedì”
Sarà sicuro meno confusion
qualche ora de meno te starà
in auto
meno nervoso in corpo te
poderà gaver
e te sarà più in voia de
zogar
Ma lori niente
che ferie saria senza coda
senza la sauna in machina
e co' l’autostrada svoda?
E pò cossa te soni?
no te vedi che xe tuto
blocà?
el traghetto no scampa
te son ti l’unico agità
Me par come compreso nel
prezo
per le ferie go speso un
capital
e devo farme anche la fila
cussì sarò sul giornal
E forsi saria un’idea
che nele offerte
un sovraprezo le agenzie
metessi
e anche zona, ora e durata
dell’ingorgo
i calcolassi
Che cussì te poderia decider
prima
cossa te va meo far
se butar soldi in scovaze
o a pie al pedocin andar
Babezi
No
la stia dirme
no ghe credo
se
una volta
no lo vedo
che
su fio
ga divorziado
no
pol esser
el
xe studiado!
Cossa
c'entra
se de sera
el ziel xe rosso
e
farà bel
'lora
quei
che studia'l tempo
pol
'ndar far
solo il bidel.
Desso
fredo
e no va ben,
dopo
caldo
'ncora pezo,
mi no
so
come vestirme
ma
so solo
che 'ssai frizo.
co' la passa
la ga visto
che spoiada
ghe se vedi
le mudande
pena che
la sta cuciada
Siora mia
cossa ghe frega?
afari sui
desso mi digo
saria meo
che la lingua
la ficassi
dentro el frigo
No
me par
che sia 'ssai grave
me
ga dito
anche'l dotor
no xe una malatia
basta
solo do ceroti
messi
streti
co te toca
intacadi
sula boca...
15 giugno 2012
Quei che...sona i campanei
El campanel
son rivado sonar
el problema xe sta
dopo scampar
Quando la vecia
"chi xe?" ga urlado
go ciapa' paura
e via son filado
Zo' pe'l clanz
rente del muro
vardavo el ziel
corendo sicuro
Fis'ciavo contento
una bela canzon
e cussì sbrissavo
drìo el canton
"Mulo come xe?"
tuti ga zigado
"come volè che sia
me son tombolado"
Sicuro che
stavo meo prima
ma co' sta cascada
vien meo la rima
Desso xe ovio
sono i campanei
però dopo scampar
ghe lasso ai putei
Anche se l'istinto
me disi ogni tanto
sona scampa
xe bel far din don
e se i te beca
viva l'A e pò bon
son rivado sonar
el problema xe sta
dopo scampar
Quando la vecia
"chi xe?" ga urlado
go ciapa' paura
e via son filado
Zo' pe'l clanz
rente del muro
vardavo el ziel
corendo sicuro
Fis'ciavo contento
una bela canzon
e cussì sbrissavo
drìo el canton
"Mulo come xe?"
tuti ga zigado
"come volè che sia
me son tombolado"
Sicuro che
stavo meo prima
ma co' sta cascada
vien meo la rima
Desso xe ovio
sono i campanei
però dopo scampar
ghe lasso ai putei
Anche se l'istinto
me disi ogni tanto
sona scampa
xe bel far din don
e se i te beca
viva l'A e pò bon
12 giugno 2012
©
ma che ganzi
me copiè
che contenti
de cucàr
ma ste 'tenti
'ndando 'vanti
qualchedun
pol brontolar
no xe giusto
no se fa
ghe xe anca
el copirait
no vien proprio
altre idee?
provè vèder
fra i scafai
che almeno se copiè
meo
farlo dei famosi
xe
più meo
fa
più scandal
perché
copiarme a mi
xe
come farla nel bucal
11 giugno 2012
In pergolo a oci serài
Tante volte fora in pergolo
me diverto a vardar
ghe xe tante robe strane
tuto intorno ricordar…
Xe la baba in braghe curte
che la meti a sugar
e più in là in canotiera
l’omo che la sta a cucar
Xe i muleti che se ziga
lori zoga a becarse
un drio l’altro i ciapini
i va ‘vanti a tirarse
“Per favor fazè silenzio,
che son vecia, voio dormir
che se no ve lavo tuti
la mastela vado impinir”
“Mi son primo per rigori”
la partida de balon…
desso xe tuto asfaltado
quela volta un polveron
e cussì anche el panin
el ciapava dela tera
buro, zucchero, marmelada
e una bula spolverada
El mureto soto casa,
po’ passadi un per de ani,
quante storie che ga visto
iera i primi fidanzai…
“ocio al pergolo,
i ve vedi
che voi due ve se basai”
Quante volte per zogarme
go sonado i campanei
“si, chi xe?” i rispondeva…
“dei filemo che xe meo”
…e ridendo se scampava
“Xe ‘ssai tardi, vien a casa”
“per favor zinque minuti
che finisso de zogar”…
“ndemo dei no sta far storie
che xe pronto de magnar”
Guardie e ladri o nascondin
chi ghe toca de star soto?
me nascondo in pineta
e nissun no me trovava
po’ col scuro tuti quanti
preocupai i me zercava
“ma sto mona in do’ xe ‘ndado?”
e mi beato fra le frasche
iero ben che indormenzado
El balon sula teraza
con un tiro xe finido
senza ‘ssai preocuparse
co’ la scala son andado
…e proprio quando lo ciolevo
se ga verto el rolè
el paron se ga sveiado
…fin che coro no me ciapè…
E ‘sto pergolo de picio
el gà visto ‘ssai matade
muleria desso cressuda
le ga tanto combinade
E quei zoghi no xe più
xe passadi tanti ani
ma dal ziel voi vedè tuto
robe bele e anca el bruto
Mi me giro ‘ncora desso
se de là voi me ciamè
…su quel pergolo no più…
nel mio cuor però restè!
Ghe vol un fià de confusion
de solito xe el contrario!
riordinar per l’omo xe sempre stado
quel che lo fa star ben
quel che lo fa sentir vivo!
e co xe de zogar coi pici…
…el te rispondi no rivo.
tornar de novo sul binario,
meterse in riga,
far le robe ben pulito,
anche se in sconton…
…no xe che sia tuto cussì drito!
programemo le vacanze…
…pianifichemo la nostra vita,
che dopo va tuto per aria…
…co’ te incontri ‘na picia salita…
no xe soldi per l’aereo,
no xe pila per l’auto nova,
per le ferie manca bori …
…ma go' la moto nova che cori…
provemo un giorno a bagolar
e ndar in giro a svodo:
tuto scombinar,
no xe miga vergogna provarlo a far.
no servi corer,
fermemose anca a riposar,
se pol anca star distiradi su un prà…
e pensar…
dela natura gavemo tanto de imparar:
lepri, orsi e cavai…
…cani, gati e cocai.
piante, fiumi e alberi…
…nuvole, onde e sentieri…
lori ciapa quel che vien:
sempre!!
ogi, doman e ieri…
3 giugno 2012
Clanfamania
A panza o de schena
de fianco o sentà
la testa sul cussin
sul stramazo distirà
co' xe de stricar
me tufo in rincorsa
devo solo 'star 'tento:
una bota sul mento
una sera de picio
me iero becà
pena 'ndado dormir
malamente sveià
el dotor che cusiva
no me son insognà
cussì de quela volta
vista anche l'età
le clanfe le fazo
a muja e no in leto
no servi ninzioi
basta star 'tento
che soto del molo
no sia la veceta
co la cufia fioreti
che ziga:" aiuto"
se lei a sta età
clanfe la fa
xe proprio vergogna
e 'lora doman
mi vegnerò quà
co' la minigona...
de fianco o sentà
la testa sul cussin
sul stramazo distirà
co' xe de stricar
me tufo in rincorsa
devo solo 'star 'tento:
una bota sul mento
una sera de picio
me iero becà
pena 'ndado dormir
malamente sveià
el dotor che cusiva
no me son insognà
cussì de quela volta
vista anche l'età
le clanfe le fazo
a muja e no in leto
no servi ninzioi
basta star 'tento
che soto del molo
no sia la veceta
co la cufia fioreti
che ziga:" aiuto"
se lei a sta età
clanfe la fa
xe proprio vergogna
e 'lora doman
mi vegnerò quà
co' la minigona...
Iscriviti a:
Post (Atom)