Trieste

pien de storie sta zità

e col mar che fa de guardia

vien la bora spolverar

no se riva scriver ben

tuti i fogli svola via

chissà indove i va finir

i se missia per magia

mi me vado riparar

che no rivi una poesia

dele onde su del mar

in sconton la fantasia

la me vien sempre iutar

e con ela scrivo meo

che la bora sempre sia

ma sto giro anca mi

con i fogli svolo via

quante robe...

zerte robe xe picie

ma servi a farte capir

quanto xe grandi altre

Una fiaba

El me stava contando una fiaba

stravacadi sul’erba

co’l sol che ne brustoliva la fronte

e i nuvoli che rideva...

Quante volte te lo ga fato

e mi a 'scoltarte...

Quante volte indormenzandome

te lassavo a finir

de leger la fiaba da solo.

Po' te seravi el libro

e te se distiravi a pensar:

come far continuar quel sogno?

Come fermar el tempo?

Come zogar ancora con mi al’infinito...

Febbraio 77

Concorso

"Scriver per papà"

Ve stavo pensando...

'guri putele
'guri spose
'guri mule
no 'cori mimose

rispeto mi credo
per tute le done
picie grandi
e anca none

per i giorni andai
per quei che riverà
no solo per ogi
ve servirà

done sole
done pensierose
done che subissi
done che capissi

done in zima'l mondo
done nei sogni
done che lota
done che ne iuta

e se qualcheduna
stago a dimenticar
go tempo tuto l'anno
per recuperar

grazie done

no sempre

zerte volte ale robe
ghe vol 'ndarghe incontro

Manzoni

Avanti
finila de far i mone
fazè i Bravi
cit. A Manzoni

Holmes

prima dele medie?
ElementarI Watson
cit. S. Holmes

Amore dei

Mi vedi camminare nel sole
mi vedi sfrecciare nel cielo
mi vedi volare su una nuvola
Amore: mola la fiasca dei

ah ah ah

rider xe una roba seria

Hack

Ocio che se me fazè girar i pianeti xe longhi
cit. M. Hack

Siffredi

"co' no lavoro me piasi zogar scopa...
e co' lavoro anca

pago

Eio Pago...
ma anche un'altra isola
podessi 'ndar ben

notizie

Go' senti' che Demi Moore per restar giovane el cafe' la lo ciol nei clisteri...
ma con tuta la tazina...o capo in b

marceau

''No go parole'' - Cit. Marcel Marceau

charlie chaplin

'' Remengo, che scuro
se ga brusa' la lampadina
e me son tombola' ''
(cit. Charlie Chaplin - Luci della...ribalta')

noè

''Semo tuti sula stessa barca'' - cit. Noe'

geppetto

''In cul ala balena'' - cit. Geppetto

pollicino

''No tornar sui tui passi''- cit. Pollicino

carica!

La miglior difesa e' l'attacco...al tram!

movite

Meti che la strada sia in discesa.
Meti che te scuminzi a rodolar come una bala.
Te pol anche ris'ciar de no fermarte.
E dove te pol rivar?
No farte trope domande
comincia rodolar...

el muro

Parlar con ti 
xe come parlar co'l muro
Ma parlar co'l muro 
no xe come parlar con ti...
....almeno el muro 'sta zito!!

da 3

Far sorridere le persone
E' un canestro da tre punti

parole

Parole...
Volate via in un attimo
un colpo di vento
un sogno lontano...
Riappaiono trasformate
e all'improvviso
ancora vento...
Poi 
la luce...

attori

Gli attori recitano sul palco...
altri lo fanno nella vita...
ma quello e' un'altro spettacolo
senza applausi, senza pubblico

mary poppins

''un poco de zuchero anche per le suposte?''-
cit. Mary Poppins

cappuccetto rosso

''In boca al lupo''-cit. la mama de capuceto rosso

pinocchio

''Mulo mio co' te bali te son come un toco de legno''
cit. el maestro de balo de Pinochio

pagine

gira pagina 
ma no dimenticar

quel che iera scrito 
sula pagina prima

basta?

Basta poco

basta saverse 'contentar.

Basta no bazilar.

Basta lassar sbrissar via le robe tristi

e riderghe drio ale monade.

Basta rivarlo far spesso...

Basta?

Almeno provemo a farlo bastar.

normal?

creder de esser normale
xe za' fora norma

come?

Come?...Cosi'...

Come un ramo nella corrente

Come una foglia portata dal vento

Come il profumo di pioggia nel bosco

Come la neve che cade lenta

Come un bambino che corre e sorride

Come il sole che arriva all'alba

Come il ticchettio dell'orologio

Come la luna che ci fa sognare

Come parole scritte nel mare

Come pensieri lanciati nel cielo

Come emozioni di un lungo cammino

Come gli sguardi di due innamorati

Come chi soffre, solo, in silenzio

Come quell'uomo cammina sereno

Come nei suoi occhi risplende la vita

maschere

Coriandoli intorno

colori e cantade

se scondi magagne

xe tute monade

Almeno una note

ben mascheradi

fazemo per finta

tuti rifioridi

Metemo aposto

almeno una volta

tuti i problemi

fora della porta

No xe più la crisi

nissun no sta mal

va 'vanti'l mio sogno

de carneval !!

"La bora a canestro" © 2013

...Sentivo sufiar

iera la bora che fazeva canestro

volevo vinzer mi e 'lora la sfidavo

dovevo far presto iera za' scuro

ma ela iera furba no ghe serviva veder

...pero' a mi si

co'i sui refoli la me spostava la bala

''no xe valido'' ghe zigavo

e ogni volta me pareva de sentirla rider...

L'incidente

Ieri note con quel scuro

l'omo nero in zavate

per le scale se intopava

rodoloni el finiva

se i muli no fa i bravi

l'omo nero te ciamavi

dopo questa tombolada

tuti i fioi xe più contenti

l'omo no fa più paura

perché'l riva senza denti!

la papa in boca

No posso darti la papa in boca...

ti hai da rangiare...

se ti 'core una mano

puoi ciamarmi!

Mi...

No smetero' mai 

de creder ale fiabe dei fioi...

Go' smesso de crederghe 

a quei che 

ghe conta ''fiabe'' ai grandi...

silenzio

te se 'corzi che no xe un sogno

te soridi

te provi dir qualcossa

no,

forsi meo star ziti

el silenzio 'sto giro

parla per ti

e do' oci se ilumina...

sanremo

ma se mi son sonà 
posso 'ndar sanremo?

le robe

zerte volte le robe

te scampa fora de man

le sbrissa via come

ma co' xe bora

le torna indrio

o le scampa 'ncora de più

Semo seri

rider per monade

no xe facile

bisogna gaver le monade

e quele se trova

ma soratuto

ghe vol saver rider

perchè rider

xe una roba seria

ragionemo

sognar no costa niente

rider xe gratis

le emozioni no ga prezo

'lora me fazo la pila

Te digo mi

xe più facile capir vardando

che spiegar scrivendo

quei...

quei che fa

quei che ga

quei che pol

quei che ciol

quei che devi

quei che credi

quei che va

quei che sa

...e quei che xe?

basta poco

certe volte basta un gesto

una parola

un sguardo

certe volte anche

de grande

de picio i te disi

te capirà co te sarà grande

de grande i te disi

perchè no te vol capir

me scampa

se te scampa de rider

pol scampar anche altro

se scampa altro dificile rider

ciapa...

ciapemola in rider

ciapemola con filososfia

ciapemola con calma

ma no stemo ciaparla in quel posto

vado...

camino e vardo su

el svolo de un cocal

camino e vardo su

la scia de un aereoplan

camino e vardo su

i nuvoli coverzer el sol

me fermo e vardo in zoò

qualcossa go pestà

ma porta ben no?

zogo duro

quando el zogo se fa duro

speremo de no ciaparle

sogno a oci verti

go sognado tante storie

che cascavo co'i genoci

per le scale rodolavo

balonade pò tiravo

anca contro le finestre

dela siora là di fronte

ma se proprio devo dir

'ssai corevo per le sconte

che nissun me bechi in falo

de sorpresa mi spuntavo

iera tanti che rideva

mi piceto no capivo

basta rider dei finila

e tacavo 'ssai zigar

bon sta calmo femo pase

te se doverà sveiar

nina nana

a chi xe quà

a chi no xe

a chi iera za

a chi sta dentro

a chi riverà

a chi xe fora

a chi no sa

a chi volè

a chi ne iuta

a chi ve manca

a chi ne stanca

a chi che parla

a chi che tasi

a chi un soriso

a chi ve piasi

a chi parole a chi tre basi

a chi sognando

a chi che torna

a chi sonando

a chi cantando

ninna nanna anche per ti

femo silenzio

oci serai

bonanote

tornemo fioi