Se succedi che la bala
no la ga passà la riga
se vardemo la moviola
decidemo se xe gol
e ‘sti mati che comenta
i se scana come i pol
che xe un zogo tuti sa
ma capirlo xe ‘ssai longhi
el zervel se ciama fora
no se riva ragionar
e cussì passa anca giorni
per decider cossa far
No xe proprio più de veder
che la gente se da bote
no ga gnaca de suceder
che no semo mai d’acordo
Vado in stadio xe partida
meo portarse anca el casco
che no beco una tranvada
che no svoli qualche fiasco
Me diverto a vardarli
quando i beca un bel piadon
me dispiasi che fa mal
ma i se rodola de mati
“dai andemo in ospedal”
no, no ‘cori, passa tuto
Come novo, punizion
iera un falo proprio bruto
e se l’arbitro no vedi
no’l ga i oci sula nuca
Tuto quel che la succedi
no bisogna bazilar
lù fa parte de ‘sto zogo
lo dovemo acetar
Xe una roba più de altre
xe vergogna ma per tuti
che ‘ste robe te le vedi
za co zoga i fioi pici
Genitori scalmanadi
parolaze i ziga drio
e coi oci spiritadi
i sentenzia tuti i sbagli
Lori vedi, lori sa
fuori gioco de sicuro
anche se no iero là
passa presto quela bala
che xe el mulo za smarcà
Ma se te son cussì bravo
scolta solo un momentin
che per esser alenador
basta farse el patentin
O magari ‘ncora meo
te podessi arbitrar
cussì se per noi te sbagli
te
mandassimo….c...