13 luglio 2014
a volte
a volte no 'cori
tanti giri de parole
basta una sola
basta ciarirse
basta inghiotir
basta 'ndar 'vanti
basta!
Ilusioni
vardando zo'
te pol vedder
ilusioni
strambezi emozioni
ricordarm oemnti
passadi e presenti
e po' riva un refolo
che sburta'l futuro
i tui sogni ingrumar
e zò del stramazo
a dismissiar
la luce del'alba
provar sempre 'vanti
e ogni tanto magari
un'ociada ale nuvole
per i tui desideri
senza trope ciacole
che forsi a crederghe
al doman meo riderghe
ritorni
oltre el confin
dela fantasia
senza farse
sorpassar dela realtà
lassando scorer
i nostri sogni
quando'l ziel
sfiora le onde
quando'l mar te
sorprendi
tornando a riva
inchiostro...
sognar
xe come scriver
d'istinto
no te sa mai
dove te 'nderà finir
e sveiarse xe
come
finir
l'inchiostro
una rioda
una rioda che
gira
momenti
che va e vien
sorisi che
passa e torna
emozioni
che sfiora e
travolgi
e po'
sorprenderse
Regola
i veri amici
se vedi nel
momento
del bisogno
se no te li vedi
o no iera amici
o te son stitico
Iscriviti a:
Post (Atom)