“muli, el ricre sta per chiuder….si subito ancora
2 tiri…”
in
tanti nel mio rion el basket lo gavevimo nel sangue….l’amicizia iera tanta…e i
pomeriggi dopo gaver fatto i compiti,
se no gavevimo alenamento, ierimo la in ricre pronti co la bala a spichi sul
campetto de cemento, pien de gobe e col canestro mezo sbilenco e rigorosamente
senza redina, a far tiri su tiri…che forsi qualcossa ga anche servido i
tiri….ma quel che contava iera la magia che se creava tra de noi (e solo desso
me rendo conto)…
perché tiravimo e ciacolavimo…ciacolavimo e tiravamo (una volta
i miei xe vignudi ciorme e i me ga oservado per un poco…fin che mia mama ne fa:
“ma sè pezo dele venderigole de piaza ponteroso…solo che lore no ga el
canestro….”)
se la contavimo, e tante volte se l’argomento iera
‘ssai interessante (spesso capitava co iera argomenti “sentimentali”) me
ricordo che se metevimo in cercio, ognidun sentà sul proprio balon e tacavimo
co le nostre storie, sempre fazendoghe i fiorellini e zonatndo qualche fantasia
perchè chi contava la storia più bela eira el più “boba”…fin che no rivava el
maestro de turno: “se gavè de rovinar tuti i baloni col vostro sederin santo…da
domani porteve le sedie pieghevoli…ma cossa se qua per zogar basket o per far
saloto??”
el ricreatorio a trieste iera un’istituzion, credo
za dai primi del ‘900, e se no sbaglio xe l’unica cità in italia dove ga
esistido e esisti ‘ncora ‘sto punto de agregazion giovanile….ricre come sfogo e
insegnamento…ricre come divertimento e educator…un riferimento insoma…come
anche i maestri del ricre (ogi ciamadi educatori,…ma mi preferisso maestri…)
…li ricordo volentieri tutti: quel de lavori manuali, quel de musica, quel de
basket, quel de teatro…..e qualchedun lo rivedo ‘ncora …
i episodi del ricre che go frequentado mi e che ga
ospitado tanta muleria in quei anni come desso me xe rimasti nel cuor, anche se
xe pasadi tanti anni….
ghe iera una maestra bionda picinina e peverina, ma
che ne voleva un ben del’anima…e i miei fìoi per un periodo, un per de anni fa,
xe ‘ndà in ricre proprio dove ela iera diventada direttrice: un giorno,
d’acordo co le altre maestre, son entrà nel suo uficio de colpo: “bongiorno
maestra, posso ‘ndar in bagno lavarme, che me son tombolà zogando basket e me
son spelà i genoci???….ela iera indafarada al computer…e sul momento la
rispondi senza vardar: “si in fondo a sinistra va che desso rivo”….le coleghe
iera za che rideva….”ma …ma….te son ti gianfranco???……..”…..”si son mi,
…no la stia ciapar paura, no xe che me son iscritto….”…
dopo i saluti la
me fa: ”desso che ghe penso go visto un per de “pacheti” nela lista dei muleti
iscritti…ma alora…xe i tui pici…” ….ve digo la verità che me xe vignudi i oci
lustri…. la iera sempre soridente ‘desso come quela volta…e la saveva come
tratarli i fioi…la gaveva un modo de far che no se podeva far a meno de
scoltarla….(me bastassi gaver un decimo dela sua bravura innata co ghe fazo
teatro ai fioi…ben bon ma questo no c’entra) …..all’improvviso però el suo
sguardo soridente se fa cupo…..cossa succedi?….”scolta no xe che i sarà miga
terremoti come te ieri ti i tuoi“pargoletti” …la tranquilizo subito disendoghe
: “ma no maestra lori ga ciapà tuto de mama……almeno….spero….”