sognando
Una
roba strana xe
de note la te ciapa
e
te diventi un re
La
regina te pol zercarte
o
dala zima del’Everest
tufarte
‘ndar
pe'l mondo in alegria
ciapar
el svolo
sule
ali dela fantasia
Meo
saria no far tanta confusion
meo
saria sognarse
soto l’ombrelon
Qualche
incubo pol farte sudar
e
lora meo sveiarse
e
in un altro sogno ‘ndar
spesso xe robe bele
xe
mondi incantadi
zogar balon co le stele
tute le strade colorade
le
machine svola
tute
senza riode
xe
el mar talmente neto
che
te lo pol bever
xe
tuti i gusti come
el gelato
se
pol far tuti una nudada
e
dopo ogni braciada
un sluk de mar
al
gusto de limonada
nel
ziel, sule nuvole
te
incontri tanti amici
te
incontri anche chi no xe più
te
saludi papà e mama
che
passa co la bici
el
sol se scambia co la luna
el
giorno diventa note
tornemo
fioi
in
tuto el mondo
xe
solo un grande girotondo
senza
i sogni saria più dura
co’
i sogni la vita
par
un’aventura
e
se ghe credemo,
i
se avera
cossa
te se ga insognà?
no
te se rivi ricordar?
alora
fossi bel, co' te se svei
in
leto tornar, strucar un boton
e
vardar el replay
Tante
volte però
el
sogno xe movimentado
e
se te caschi del leto…
vol
dir ….che no te ga digerido!!