ghe xe un posto
che tuto de noi conossi
dove che tanta roba te lassi
e se no entra perché xe pien
te pogi la vizin
tanto no fa confusion
ve presento el scovazon
Ciche x tera
carte che svola co la bora
biceri de carta abandonadi
o dela finestra butadi
Borse de plastica
pirole scadude
e anca baterie
e zene vanzade
Pochi dividi le scovaze
plastica, vetro
fadiga xe tropa
Meo butar tuto insieme
che no femo una faloppa
Cassoneti coloradi
grigi, giali e verdolini
però esisti sempre
anca i scovazini
Le campane ga el buso picio
cussì dentro tuto no ghe passa
no se riva butar la suocera
come nei bidoni
dove certe volte
te trovi anca
poltrone e divani
Xe per rider ste do righe
ma xe anca per pensar
che con tante scovaze
se pol anca riciclar
Servirà pe’i nostri fioi
che ghe sia un bon futuro
che se dopri tuto meo
anche tute le scovaze
e magari un invenzion
per far giardini e fiori
con ogni scovazon