che finida la scola
ziga con tuti
ziga al mondo
felici e spensieradi
schizi nel'acqua
sorisi e caldo
costumi scoladi
spiage afolade
zità che se svoda
mar pien de vele
e
per un momento
se ferma i problemi
xe l'estate
che porta speranze
che colora la natura
co' le foie
de rosso fogo
tuto 'traversa
poesia e emozioni
dal Carso al mar
atmosfere timide
sguardi intensi
de un autuno
che sta rivando
i tui pensieri nel bianco
ovatado
principesco
fiabesco
la zima del monte
l'atmosfera sureale
respiri jazadi e magici
vento gelido
che porta il re
eco l'inverno
foie ingialide che casca
goce de piova
mar increspado
e
de colpo
cuori vizzini
man nela man
tuto va oltre
tuto splendi
tuto cambia
amori che travolgi
fiori che sbocia
foie che se colora
sol che se fa veder
useleti che canta
te spetavo
finalmente te son rivada
ecote
primavera
sentire parole
portate dal vento
guardare quei rami
spostati nel tempo
parlar sottovoce
di quello che sento
chiudere gli occhi
sentendo un profumo
toccare con mano
l'incontro sognato
baciare una donna
che amore ha dato
ti prova a no rider
a scoltar 'sti fioi
che parla monade
come fazevimo noi
solo che lori
tra cufie e cufiete
i zoga co'l tach
muloni e mulete
i vesti ala moda
no i meti'l capoto
bunigolo fora
basso'l cavaloto
però xe una roba
che no cambia mai
l'età spensierada
quela che xe dei fioi
...capisso che se ordino un capucino a Milano i me da el cafelate...ma a udine, co' te me senti de l'acento che son "patocamente" de Trieste, perchè ogni volta te me conzi el slonz?...alora te fa aposta!
Quà xe la bora
che te iuta
la spifera nel zervel
la sbrissa via
co'i tui pensieri
la scampa e la torna.
Idee che rimbalza
come balete
e rente la testa
ela le porta lontan
Le storie malignase scampa
o le cambia per strada ma la roba importante
xe che la bora ne ingala
Te diventi frizante
te vol cantar
xe anche chi
no riva capirne
ma capirà
che tanto la bora
a Trieste sempre la starà
La vivi su in Carso
vecia la xe 'bastanza
la se cala in zità
solo qualche volta.
Bula e incazada
la cori fra le case
la sufia nele sfese
la spaca tuto o quasi.
Ma forsi perchè
la vedi robe strane
che per la sua zità
ela no vol
come sentir spesso
chi disi NO SE POL....
Cori... Va sempre 'vanti per la tua strada No voltarte... No fermarte mai E se qualchedun prova blocarte E se qualchedun se ficca in mezo zighighe: '' se ga roto i freniiiiiii..''
a quei che ...sono no ga a quei che ...dormi za a quei che ...desso lavorar va a quei che ...lavor no ga 'ncora trovà a quei che ...diventa veci a quei che ...xe ncora pici a quei che ...come teto ga el ziel a quei che ...in caldo saria bel a quei che ...ben no la ghe va a quei che ...de star ben no ghe ga mai bastà
a quei che ...capissi
a quei che ...mai no capirà
a quei che ...'sta scoltar
a quei che ...no te lassa mai parlar
a quei che ...ga la scorza dura
a quei che ...ti no te me fa paura
a quei che ...go dimenticà
a quei che ...se vol ben
A QUEI CHE ...ZONTARSE VOLERA'
a quei...e anche a quei altri...
xe crisi... xe la spending reviù... xe el spred.. aumenta le tasse... xe irpef, ici, tarsu,imu..rtacci sua però passerà... si,si...passerà.... xe crisi...ma semo in ripresa...
El fondo magico del mar ...pero' tornassi su I pessi che te osserva ...pero' tornassi su Alghe de tuti i colori pero' tornassi su... Chi me ga cista' le bombole...
E po' ghe xe momenti cussi' dove tuto in testa se missia dove'l bruto diventa bel dove'l nero se colora de rosa dove nissun zerca longhi dove 'l cattivo xe bon dove par tuto un sogno dove ?
Vardo i tui cavei lunghi E ti, te dormi Scolto’l vento che sufia dele
sfese E ti, te dormi Ricordo’l nostro primo incontro E ti, te dormi Finissila de ronchizar Che dormo anche mi