Trieste scontrosa
Trieste che varda
Trieste che se movi
Anche se no se pol
Trieste che vivi
Trieste che ricorda
Trieste che 'conta
Per 'ndar 'vanti col cuor
Trieste amica
Trieste lontana
Trieste dentro l'anima
A spasso come i fioi
Trieste speranze
Trieste i nostri veci
Trieste i giovani
Volendo se pol
Trieste semo noi...
20 luglio 2015
1 luglio 2015
pensemoghe...
caro Ponterosso...
Te passi e nel’acqua
scovaze in amolo
che fora volessi
saltarte sul colo
scovaze in amolo
che fora volessi
saltarte sul colo
Marea che se alza
E tute le barche
no pol ‘ndar al largo
le fa compagnia
a quele scovaze
che no voleria
E tute le barche
no pol ‘ndar al largo
le fa compagnia
a quele scovaze
che no voleria
La piaza una volta
co le bancarele
de le venderigole
za' co le stele
co le bancarele
de le venderigole
za' co le stele
Le riva bonora
ma no le xe più
xe tanti parchegi
co le striche blu
ma no le xe più
xe tanti parchegi
co le striche blu
I pessi se sofiga
lori no pol più
in quel canal
no se nuda più
lori no pol più
in quel canal
no se nuda più
"noi sul ponte curto
no podemo 'ndar
e le rane 'desso
ne vol sfratar"
no podemo 'ndar
e le rane 'desso
ne vol sfratar"
Caro Ponterosso
me sposto più in fora
vado là del molo
a farme pescar
che almeno là
se pol respirar...
me sposto più in fora
vado là del molo
a farme pescar
che almeno là
se pol respirar...
indrio nel futuro
vardando'l mar
no te scolti'l vento
scoltando un temporal
no te vedi il tempo
che scori soto i oci
che'l te scampa
e quando'l se inacorzi
el te grampa
e lassite becar
che in mezo ai sogni
sempre te pol sperar
novi colori
che i vegni a ingrumar
riflessi e fiori
che mai dimentica'
in zima al cole
e zo' fin miramar
sufiando bole
e anca quel morbin
xe 'ndado 'vanti
el iera picinin
per tuti quanti
cressudi xe quei muli
che ciapai per man
sognava verti i oci
basandose pian pian
no te scolti'l vento
scoltando un temporal
no te vedi il tempo
che scori soto i oci
che'l te scampa
e quando'l se inacorzi
el te grampa
e lassite becar
che in mezo ai sogni
sempre te pol sperar
novi colori
che i vegni a ingrumar
riflessi e fiori
che mai dimentica'
in zima al cole
e zo' fin miramar
sufiando bole
e anca quel morbin
xe 'ndado 'vanti
el iera picinin
per tuti quanti
cressudi xe quei muli
che ciapai per man
sognava verti i oci
basandose pian pian
ocio
Sughite ben
se del’acqua
te vien fora
e no butarte
se te ga magnà
de un’ora
se del’acqua
te vien fora
e no butarte
se te ga magnà
de un’ora
no becar tropo sol
tien la maia se te pol
tien la maia se te pol
bereto in testa
e un fià de crema
no scalmanarte
che te vien l’eczema
e un fià de crema
no scalmanarte
che te vien l’eczema
se te ciol gelato
pian che xe iazado
ma se te ralenti
el finissi squaiado
pian che xe iazado
ma se te ralenti
el finissi squaiado
oltre le boe no sta ‘ndar
che no se toca
e te se pol negar
che no se toca
e te se pol negar
la prossima volta
niente mar
e se mama me scolta
casa el pranzo magno
e po’ el tufo
lo fazo
in vasca de bagno
niente mar
e se mama me scolta
casa el pranzo magno
e po’ el tufo
lo fazo
in vasca de bagno
e beh!
Se te ga' dormi' col cul scoverto
o te se ga' alza' col pie sbaglia'...
Almeno zerca de no dormir in pie..
o te se ga' alza' col pie sbaglia'...
Almeno zerca de no dormir in pie..
portando i nuvoli in zima
Iscriviti a:
Post (Atom)