Svola la bora

Co' riva un refolo
fa 'ssai rumor
Sentirlo dentro
dismissia'l cuor

Le robe sbrissa
svola lontan
I bei pensieri
te ciol per man

Rucando 'vanti
creder nel vento
Oci de muleto
rider contento

E se svolando
xe anche la bora
A scriver cantando
tuto la colora

E 'lora ela
in mezo al mar
La taca corer
confusionar

Refoli giovani
come'l doman
Sufia sui veci
un'emozion

Strenzi Trieste
fra Carso e mar
Co' la sua bora
che fa sognar...

rosso...

Emozioni sora'l mar
drio i nuvoli
Piturade co'i oci
de Trieste
ricordi che fa 
capriole sora
i nostri pensieri
E intanto'l sol
par 'sconderse
timido
squasi'l fussi davanti
al primo amor
A diventar rosso
come un tramonto...

canestro...

I sogni de realizar
xe come far canestro 
co' la luna...
Crederghe vol dir 
saltar piu' in alto 
per gramparla...

imagini...scrite...

...becar atimi...
Prima che un refolo
li sburti via...
Fotografarli e scriverli...

no merita...

No merita rabiarse
per chi no merita,
ma solo per chi merita,
ma se'l merita
sara' poco de rabiarse...

fermoimmaginando

specio

A volte

xe meo far

come'l specio:

rifleter

passi...

Nel fredo zito
parole jazade
che la neve coverzi
sul silenzio dele zime

neve

La poesia dela salita
no se squaia mai

scoverzendo fantasie

L'alba del tramonto
sognando'l doman...
Scoverzendo 
fantasie de fioi...
Rodolando co' le emozioni...
Speciandose sul mar...
Semplicemente...