El sol che se scondi
co le naviga in ziel
un poco el xe timido
ma lore le disi
no xe colpa nostra
no xe fato aposta
ma anca la luna
mi no rivo veder
xe come nei film
la nuvola passa
e riva el vampiro
fora dela cassa
nuvole scure
de bruto tempo
le romba coi toni
le cori col vento
le porta la piova
le se ga sgionfà
e tuti le varda
sposteve de là
se le riva insieme
xe longhi per tuti
xe la che ariva
i tempi più bruti
le nuvole bianche
xe quele più calme
le crea disegni
come quadri d’artista
e co la bora le taca zigar
presto sposteve
che devo passar
svolarghe de sora
che granda emozion
sembra de esser
sora una torta
mi le magnassi
ma meo de no
meo che le resti
su in alto a svolar
cussì posso scriver
e star a sognar