31 dicembre 2017

Trieste sotosora

E vardarte co'i oci dei fioi
sorpresa drio ogni canton,
brila'l mar soto'l sol
ridi'l ziel: si se pol!
'Pena riva scuro
se impiza ricordi:
soto un feral 
a tignirse per man
co' sburta la bora,
mai dismentigar
e sora 'sto mar
se sogna 'ncora.
Po corendo su e zo'
de matina bonora
'scoltar una canzon

xe "Trieste sotosora"...

Trieste elegante


Trieste elegante
sa farte sognar
in zima al molo
sburta pensieri,
i sorisi dei veci,
le storie de ieri.
E nel doman
el suo mar se specia,
dispetinada dei refoli
una putela mai vecia.
Ciacola Trieste,
e te par che'l giorno
missia' co' la note
sburti pensieri
a brazeto come ieri,
inverigolando emozioni
sora i colori dela fantasia.
Trieste nel doman,
Trieste xe magia!

Ciacolade

co' Trieste ciacola 
soto le stele
starla scoltar in zito
nel silenzio dela note
co' l'ultimo pensier
xe ndà in paion
e squasi soto'l cussin
salta fora un sogno
saltarghe in spala
e rodolar 'vanti
fin che'l primo ciaro
dismissia la zità
e ncora nele rece
col remnitur del giorno
quele ciacole
zoga nasccondin

                  co' i nostri desideri

Si,se pol

Si, se pol!
Son sta contagiado dal virus del basket de picio: l'antidoto? el teatro (e go' parlà de basket anche sul palco, ma quela xe un'altra storia)
Perchè a Trieste el basket xe passion,
perchè el grizolo del ciuff te se lo porti zà de muleto,
perchè l'entusiasmo de un publico competente no xe un caso,
perchè meterse in fila per cior el biglieto fa parte del riscaldamento (el ticket point iera de boio: se podeva butar la pasta...)
perchè la squadra ghe sta credendo sul campo,
perchè le provocazioni fa parte del zogo e sceglier de ignorarle xe de chi vol 'ndar 'vanti a zogar
perchè i conti se fa ala fine ma la festa xe sentir zà 'desso nel'aria tuto un buligar,
perchè se veramente no'i gradissi Trieste in finale vol dir che i gà paura e i se farà una ragion...
perchè ai fioi che se avicina al basket ghe vol contarghe dei anni passai e i gà de veder un spetacolo anche sule tribune,
perchè ai fioi bisogna spiegarghe che'l tifo e la passion gà un limite e se te lo superi se ciama altrimenti,
perchè xe da chi scendi in campo che devi rivar l'esempio ma "sperar che'l mona capissi xe come sperar che'l caval a dondolo tachi corer"
Perchè i aversari fa parte del zogo, come i arbitri, parlar de lori xe una perdita de tempo, meo far tifo per Trieste
perchè l'Alma xe in grado de vinzer senza spudoni e sburtade
perchè i zogadori che zerca spesso la rissa gà sbaglià sport o xe inferiori
perchè la psicologia dei playoff e la pre-tatica verbale no xe bombe de tre, ma ciacole
perchè semo quei del viva l'A-lma e po bon ma (cazzo) volemo 'ndar su
perchè so che l'Alma se in casa i zoga in sei, fora i se porta el sesto omo in cuor
Perchè i cori e le coreografie dela muleria merita un aplauso a parte: xe creazioni artistiche
perchè credo ancora nel basket neto e puro
perchè credo nel sogno de una zità intiera,
perchè i canestri e le vitorie se conquista ancora sul campo e il contorno "contro" no pol cambiar i risultati
perchè Rich Laurel, Boscia & c. xe l'indimenticabile de ieri, questi xe i biancorossi del domani.
perchè come diseva el mio coach Tullio Micol: chi gà dito che l'importante xe partecipar, che partecipi i altri , mi voio vinzer
perchè a noi no ne manca la fantasia
perchè el tifo creativo me gà sempre divertì
perchè una volta de picio che iero a Chiarbola con papà, un aversario (che no ciamo tifoso per no ofender i veri tifosi) gà dito "son contento de gaver vinto per quele merde de triestini" e papà ghe gà risposto "la ghe daghi un cuk perchè anche quà che la xe sentà lei sento una bela spuza de merda..."
Per tuto questo e anche per altro si, se pol!

prima e dopo

prima te meti el dentin soto el cussin
dopo te meti la dentiera sul comodin
prima alem ule drio xe de ndarghe
dopo el de drio star a vardarghe
prima lontan col canocial a cucar
do

po sui ociai
del cnaocial le lenti montar
prima in moto col casco viagiar
dopo xe za ssai
se fazendo moto
te rivi a no cascar
prima el posto in bus
ai anziani lassarghe
dopo se i te lo lassa a ti zigarghe
prima al pedocin
dela parte dele done boce zogando
dopo reparto omini
boce dele done vardando
ogni età gà el suo perchè
prima no te lo sa

dopo no te se lo ricordi

mama

in zito scoltar el sbater de ale
cocai che se inzingana
per un toco de pan duro
srodolar ricordi
come un film
e po serar i oci
sveiarse de muleto
fra i schizi dele onde
per imparar galegiar
mover i pie
farse tociar de mama
e un ventisel

careza i sogni

Stele

Le zime te varda
e par squasi zucarte pel copin
co l'ultimo sol se 'scondi
drio de lore
co se scuminzia veder la luna
per iutarte
per moverse
che'l scuro
ilumina el sentiero
ma le stele
xe meo starle vardar
dela finestra

16 giugno 2017

smile

la semplicità di un sorriso
si legge negli occhi
di chi lo riceve

Spigolando

Prima e...dopo

Prima te meti'l dentin 
soto'l cussin
dopo te meti la dentiera 
sul comodin...
Prima ale mule
drio xe de 'ndarghe
dopo el de drio
star a vardarghe...
Prima lontan
col canocial a cucar
dopo sui ociai
del canocial le lenti, montar...
Prima in moto
col casco viagiar
dopo xe zà 'ssai
se 'fazendo moto te rivi a no cascar...
Prima el posto in bus
ai anziani lassarghe
dopo se i te lo lassa a ti
zigarghe...
Prima al Pedocin
dela parte dele done boce zogando
dopo reparto omini
boce dele done vardando
Ogni età gà el suo perchè:
prima no te lo sa
dopo no te se lo ricordi

xe pecà

come i disi in osmiza: xe pecà fermarse ai quarti

OCIO -22-

BISOGNA DAR SEMPRE LA SECONDA POSSIBILITA', ALMENO PER GAVER LA CONFERMA CHE UN XE MONA

cresser

Vardarse intorno
co'i oci dei fioi
squasi fussi un zogo
senza giudicar
senza comentar
lassando che cambi
per imparar a cresser

14 maggio 2017

Ragi de sol

El tramonto colora
i cantoni dele zità
co' tuto intorno
comincia impizarse
e le stele ciacola
come farghe le bele
ala luna
che fin l'ultimo
mostra'l suo vestito
prima de 'sconderse
e lassarghe'l poѕтo
de novo
ai primi ragi del sol
e se rιcoмιncιa...

Gondoloso


OCIO - 11 -

No se pol regalarlo come'l diamante, ma anche un mona xe per sempre

Squasi fussi un sogno

Sveiarse e verzer i oci
corendo rente'l ziel
xe ricordi che va.
'Corzerse che pol cambiar
più' svelto dei sogni,
fermarse a ciapar fia'...
Po' indormenzarse
per vardar el doman
squasi fussi un sogno
che te ciapa per man

OCIO - 21 -

Spiegarghe al mona 
sperando che'l capissi, 
xe come spiegarghe 
al caval a dondolo 
sperando che'l tachi corer

Par...

Trieste par piturada
col penel tociado 
nei colori dela sua bora...

Grufolando

Grufolando nei ricordi
ribaltando cassetini
tanti sogni salta fora
tuti ierimo putei...
Rente casa fra i portoni
ziga e scampa pien de fioi
divertindose con poco
se sonava i campanei...

puntini

Sognar no costa niente...
basta un canestro pien de emozioni...
una squadra giovane... 
con un cuor e una grinta che...
CIUFF

Sbianchizà

Veci che te conta
de quando iera fioi
come nuvoli a brazeto 
che svola lontan
a ingrumar ricordi
e un sufion
tuto sbianchiza
inverigola'l cuor
e quel che iera
xe'l futuro
e'l mondo 

se colora ancora...

pian pian

De 'sconton
el mar
scuminzia
scriver 
le parole
del'estate

16 aprile 2017

Come una careza

Co vardo Trieste
'scolto ricordiche sbisiga,
bora color del ziel
che tramaca e scovercia
grufola'l mar e rugna sui scoi,
el castel par squasi
dismissiar la storia sua
e rente piaza Grande
el te conta fiabe,
tanto che svola un cocal
morbin refola sul molo,
e in tuto sto remitur
una careza inverigola
i mii sogni...

sentirse vardadi

Co' Trieste te varda
timido anche'l sol
diventa rosso

bel!


le parole dell'emozione in un grande GRAZIE

?


effetti speciali

stupire non è semplice

ma

la semplicità stupisce



giocando

I grandi che giocano
sono i sorrisi dei bambini

come sul palco...

Tutto ciò che ho trovato nel basket
l'ho ritrovato nel teatro
perchè il basket è un gioco
e sul placo si può giocare

Grazie...

... di averci creduto con me

Ascoltando

Quando le immagini 
raccontano ricordi:
si ascoltano col cuore,
sognando

Vardando Trieste

Co' vardo Trieste
vedo ricordi
bora color del ziel
che tramaca e scovercia


tanto che el mar rugna sui scoi
el castel par squasi
dismissiar la sua storia




la piaza te conta fiabe
sufiandole sul molo


e in tuto 'sto remitur
una careza inverigola
i mii sogni...

parole

le emozioni xe sogni che se dismissia

Risvegliarsi


12 marzo 2017

:-)

Il sorriso è il pennello
che colora il mondo

Zogando

Scoverzer emozioni
per provar a realizar 
i propri sogni
Emozionarse
e sorprenderse
per imparar dei fioi
E cresser con lori
ciapandoli per man
verzendoghe'l sipario
sul palcoscenico
dela vita...




                                                  ciuff emozioni a canestro - il quintetto


CIUFF

la magia di un canestro è la stessa che apre il sipario

oltre

i sogni sbrissa oltre'l rumor del silenzio

no solo numeri

La differenza fra un grande attore ed uno piccolo non sta nel numero delle battute


quatordicifebraio

T

te ga' dito 
che per S. Valentino 
te ga qualcossa in serbo per mi: 
amore, de quando in qua te sa le lingue?

musica



stele

E nela testa 
sogni che svola in Piaza Grande 
ingrumando desideri 
cascadi co' le stele...

11 febbraio 2017

linee

I confini della mente 
sono trappole del cuore

ciuff

Tutto ciò' che ho apprezzato nel basket,
 l'ho ritrovato nel teatro, 
perché il basket e' un gioco 
e sul palco si può giocare...

Ciuff-Emozioni a canestro

Jazoso


Montagne per rider

Fora del rifugio el cartel 
"stasera Lucio Perca"
...entremo, ma no canta nissun.
Domandemo un'insalata...
e'l camerier fa"songino ?"
...rispondemo "se no la sa lei..."
I ne ga' consiglia'un strucolo in quota (Strudelkopf)...

rivai afamadi a 2400 , ma no se magna niente...
Per finir el paron:"pensate, 

stamane in riva al lago mi e' scappato un coregone..." 
eh sara' l'efeto de capuzi e patate...

Maestri

De quel palco
dove i te ga' mostrà,
'scoltar ogni volta 
aplausi più lunghi
e dopo quel sipario
saver che certe emozioni
xe de provar per imparar,
perciò che le te entri dentro,
perciò che no tremi la vose.
E ricordarse de chi ga' avudo
pazienza de insegnarte
co' l'entusiasmo de un putel...