Gianpacco: 2016

24 dicembre 2016

amor xe amor

Amore,
se te va 'vanti
a romper le bale
no rivemo far l'albero...

del doman

Bavisela sul molo
pitura Trieste
limpido'l ziel
scoverzi sul mar
i sogni del doman...

quel che no xe

Se i te fa creder
quel che no xe
tornighe quel che
no i se imagina...

picon

La bua, el tato,
vieni opa,
andiamo a pupui,
il bau, il miao...
E co' i cressi se rabiemo
se a scola i ga' picon
in italian...

riflettori

E co' se svoda'l teatro
el silenzio impinissi i ricordi
xe l'entusiasmo
de tirar de novo
su le manighe
co' i rifletori distudai
per impizarli
per verzer ancora'l sipario
per emozionarse

putei

La leggerezza
di un sorriso
e' negli occhi
di un bambino

bubusettete

meo rider dela paura
che gaver paura de rider

20 novembre 2016

i nostri sogni
co' i sogni ciol per man
le onde del mar.
E le foie svola
squasi balando
per le strade svode.
Trieste in sconton controla
come una veceta
emozioni che refola
srodolade sul film dei ricordi.
E ogni sufion de bora
dispetina i pensieri
sora Miramar
la de piaza Grande
rente'l nostro molo.
Zito come un putel
che sempre spera
caminando a ricordar
e Trieste che iera
come un sogno zito ritrovar...

Grandi

Diventar grandi
vol anche dir
saver tornar fioi
senza piu' esserlo...

SARIANDOLA

Inzinganado dela zita'
co' la dormi par
una sariandola
che sogna
soto i ragi
dela luna...
Co' spunta'l sol
se impiza i fari
dentro'l triestin
che a torziolon
va a brazeto
col morbin...

OCIO

Le seghe mentali
fa diventar orbo
el zervel...

per Marco...

bubusettete

el molo

El molo tien segreti
che ogni giorno
de lontan
ghe 'contemo
Per 'ndarli cior
un doman
fin in zima
sui riflessi del mar...

sogni a canestro

El basket se pol zogar
parlar, leger e 'scoltar
se pol scriver e vardar
ma se te se emozioni a sognarlo
se pol anche recitar...

Ciuff-emozioni a canestro

cocai

come un zogo

Te vardo sbisigar
per farte bela
e volessi bordisar
come'l vento
sula vela...
A volte no capisso
xe squasi
come un zogo
timida te se scondi
come un sogno
rente'l molo...

intacadi

via!

Cuciarse drio le quinte
a 'scoltar i profumi dei ricordi.
Caminar sora le tavole de legno
a leger quel che le te scrivi.
Sentir el calor dele luci
che se impiza sora de ti.
Condivider atimi...
E tufarse nel scuro dela platea:
iera quel che te spetavi...
E sarà come casa...
Sipario: se comincia!

Patch

La dolcezza
per diffondere l'amore
Un naso rosso
per esser ubriaco di risate
Grazie Patch

15 ottobre 2016

Mar

El mar che coverzi
el mar che digerissi el sol
che lo spuda fora
che se colora
e se xe nuvoli
cambia'l vestito
el mar che se sporca
el mar che se rabia
'sto mar che pituremo
e che in tanti lo ga' scrito
forsi co' xe bora
anche lu' manda in malora
le onde che cantemo
e che ne fa balar
de note co' xe scuro
in barca a pescar
el te fa compagnia
parlighe pian pian
che lù anca in sconton
timido darà la man

brodo

Chi no da l'esempio
ma fa la predica
xe come
chi disi de esser chef
ma cusina brodo de bechi

social...

Facebook xe come un condominio:
le ciacole riva in ultimo pian
piu' svelte che co' l'ascensor...
Ma no xe più' quele del piano tera...

barcolando

Trieste sule vele
zoga a sburtar le onde
Spruzi de mar
specia emozioni
rivoltadi nel ziel
Nuvoli ghe slonga
una man ala bora
Par squasi ciamarla:
"Vien, te 'spetemo..."

ciao

El molo te saluda
'scolta i rumori sul mar
Colori e speranze
vedendote tornar
Refoli in cucia
pronti a dismissiar
Tuto un remitur
sbatociando per sognar...

ehilà...

Ciccio no xe per Barc...olana

tanto per dir...

Semo responsabili de quel che scrivemo su Facebook
no de quel che i altri capissi...

stagion...

xe autuno: che maroni

mona!

Anche al mona i ghe diseva:
"te diventera' grande e te capirà..."
E lui xe diventa' grande...

xe cussì...

I ricordi più belli
sono protesi al futuro

cussì

vivi e
lascia...scrivere

a volte...

A volte aspettiamo un treno
che non passerà mai,
altre e' già' passato,
altre ancora e' la' fermo che ci aspetta...
Ma non e' il nostro...

ricordi che rodola

La magia de un canestro

I rumori dela bala che rimbalza
Le ore passade a tirar
La frustada dela bala ala redina
L’ultimo tiro che no iera mai l'ultimo
I calzetoni fin soto el ginocio...

(ciuff-emozioni a canestro)

piturando

scriver in riva'l mar
tanto che sburta
una bavisela
vardar rente de mi
un cocal
lu' xe pronto
a ciapar el svolo
serar i oci
e gramparse
sula sua ala
per piturar
altre storie...

17 settembre 2016

come bambini

Gli adulti che sanno giocare con i bambini
sono bambini che non hanno smesso di sognare...

gioco

Per credere ai sogni
bisogna averli...
Per realizzarli
bisogna mettersi in gioco...

sul palco del pedocin

El pedocin xe come un teatro
tuti la dentro xe spetatori
el muro un sipario
e ben spiagiadi
diventa a turno
atori improvisadi...
Omini e done
una granda comedia
ben recitada
sugaman, branda e sedia...
Donete che legi
e fioi che schiza
e intanto un eczema
ghe taca la spiza...
Fichite in ombra
onzite tuta
merenda e panin
col suco de fruta...
Quei bati carte
nona te ciama:
"te son tropo in acqua
vien a sugarte..."
nona fa niente
se go' i labri blu
dopo magno sariese
nissun vedi più...
E in 'sto teatro
co' ierimo fioi
ga' recitado
anche tanti de noi...

(pedocin - 1-)

prosciutto

-la me daghi due eti de coto

--xe vignù quatro lasso?

-si...quanto pago?

--8 euro

-go' solo 4 lasso?...

poesia

quel brontolar gentil
quel giocare in ciel

rimbalzoso

voltarse

Voltarse
e veder il mar...
Drio dei ricordi
Trieste sventola
el vestito bel...
E ingruma poesia
dentro un scartozeto...
'Tanto che'l suo mar
dismissia le emozioni
che ognidun porta in peto...

pa'

Penelade in ziel
che sgionfa'l cuor...
Te vedo 'ncora
a piturar nuvoli

impizando...

E sul palco se smovi storie
Drio'l sipario se agita personagi
Rente le quinte xe movimento
Fari squasi impizadi a ricominciar...

gianpacco

colorando

Un cantonzin de pase
che varda'l mar e le stele
In sconton dele ciacole
lontan del rumor
Per impinir casseti
de sogni e magia
Per colorar la semplicità'
de morbin e fantasia...