“Arilo, el xe mato”“perché te disi cussì?”
“Ma no te lo vedi
quel no xe giusto
quel no ga le rodele a posto”
Perché el se ferma vardar il ziel?
O forsi perché el ghe soridi ala natura?
E la note per lù
no xe solo el scuro che fa paura
No’l ga tanti pensieri
e spesso xe i stessi de ieri
el cori come i putei
el ga sogni e desideri
No xe per caso
che se disi testa mata
ma se te le combini
fora del normal
no xe de preocuparse
no sempre servi corer in ospedal
Chi xe cussì dotor
de poder dir
che un xe normal
e l’altro co la testa
un fiatin fora el resta
e po’ anche lori
i grandi dotori
pol ‘ndar fora coi copi
e lora per curarse
de un altro dotor
i devi fidarse
Si, va ben
se el camina in mezo ala strada
se te lo vedi che i muri el colora
forsi el xe fora
Però te pol sbagliarte
perché tante volte
co un bicer de più
te pol comportarte de sonado
e inveze te se ga solo imbriagado
No xe de rider
xe robe serie
xe drami familiari
e storie de sbandadi
ma certi xe guaridi
sti pazi scatenadi
Chi ga el matio in testa però
xe anca un artista
ga de sfogar la sua rabia
o magari per farse notar
el taca disegnar
E xe la roba meo
curar el matìo co l’arte
qualchedun no riva
no ghe la fa e se tira in parte
se scondi e tien tuto dentro
ma forsi un giorno el capirà
che xe più mato
chi pensa de esser normale
e inveze xe falà