Autunno su in Carso
tra mile colori
ghe xe una magia
che manda profumi
e chi riva de fora
xe come incantado
del nostro mar
anca lù colorado
Te vedi ‘ste foie
de rosso vestide
te vien de vardarle
e squasi parlarghe
Chissà se in un sogno
le risponderà
“No steme ingrumar
che stemo ben qua”
“Che po’ cossa ocori
meterne in vaso
vignì a vardarne
quà indove vivemo
che un quadro d’autor
noi ve pituremo”
“Ma se ne stachè
el quadro se squaia
la tela sbiadissi
le foie sparissi