No ciogo l’ombrel
che se vien la bora
mi de sicuro
la mando in malora
Se dopro el giuboto
el capucio de sora
la bora lo sbrega
anca lui in malora
Cussì un capel
po’ vado comprar
e un refolo subito
lo fionda nel mar
Ma la bocia xe lustra
no ‘cori el fon
no doprerò niente
co’ ‘riva el lavon
E come i muleti
provemo cantar
saltando nel ploc
te par de svolar
La piova e la bora
che riva de noi
mai più in malora
basta far come i fioi