El sorzo furbeto
la note passada
el ga avudo
una bula pensada:
rente del leto
de do’ bei piceti
el se ga messo
serando i oceti.
Ma la matina
riva sveiarli
mama e papà
per dismissiarli
-“intime, movite
che go paura
no lo go mai visto
de sta misura”-
“ma no te vedi
sta calma dei
el sorzo el trema
el ga paura de noi”.
I taca parlarghe:
“vien fora sorzeto
te dago formaio
un bel tocheto”…
I xe za pronti
tuti do’ col velen…
“E mi chi me salva
‘desso chi li tien?”
…Ma al’improviso
se sveia un muleto:
“lasselo in pase
no ste far casin
el ga porta i soldi
…per el mio dentin!