13 dicembre 2011

El veceto

Le man rovinade
de tante bataglie
le rughe sul viso
la schena un fià curva

parole vien fora
un poco ala volta
e co’ te ghe parli
lù calmo te scolta

Veceti a volte
se pol diventar
no solo pe’i oci
de chi ‘sta a vardar

No ‘cori el bianco
color dei cavei
per dir zerte robe
a chi xe putei

Ti cuchighe i oci
se ilumina tuto
i conta le storie
de quando nei ani
passai in gioventù
i le combinava
e desso no più

lassar che la vita
ne scori indosso
cussì me ga dito
un vecio una volta

che lù la ghe scori
e ‘ncora contento
el xe in zima ai monti
el ga passà i zento

Regali!!


E come ogni anno
se no vedo mal
comincia aparirme
segni de Nadal

Luci e steline
per strada picade
e za’ panetoni
no parlo monade

Ma semo in otobre
però no fa niente
la solita solfa
che disi la gente
Forsi xe el caso
devo darme una mossa
‘che no volessi
trovarme spiazado

i regali va ciolti
un pocheto prima
però ultimamente
stemo esagerando

me sa che oramai
manca ‘ssai poco
che tuto al contrario
noi gaveremo

el pandoro per Pasqua
forsi che magno
e faremo el presepe
in costume de bagno

Pianerotoli



Ma quanti babezi
che senti quei muri
se i podessi parlar
saria dolori

El picio che ziga
su e zò per le scale
el mato che dormi
ghe gira le bale





La siora Miranda
matina bonora
la ciama su mama
che stà al pian de sora


E po’ quela bionda
che abita in cima
la gira in vestalia
anca co’ xe zima

Le siore le brontola
“decoro no xe”
però le volessi
girar in combinè

In ‘sto condominio
no se scondi niente
la va ‘ssai d’acordo
tuta ‘sta gente

Anca se in realtà
se del sogno i xe svei
sul pianerottolo
i se tirassi cortei!

Chi xe?

Se nel scuro dela note
dismissiandote nel leto
un rumor te senti forte
te se scassi un pocheto

No xe lampi e gnanche toni
cossa sarà mai ‘sto gheto
meo alzarse e ‘ndar veder
forsi ladri sora el teto

No le impizo mi le luci
voio far tuto pian pian
qualchedun sarà sicuro
e no ghe darò la man

No xe un sogno go le prove
el mobileto beco in pien
sul mio dedo un bel tiro
zoto un poco ma va ben

Coi rumori qua se sveia
mia moglie e anca i muli
semo tuti in pigiama
senza voia de esser buli

Ve confesso la paura
per andar zo in giardin
el rumor el vien de novo
se ‘scondemo un fiatin

remitùr xe sta un poco
e se sveia anca el nono
el te riva in papuze
tuto carigo de sono

“muli mii se proprio sempi
quà no xe sucesso niente
voi gavè dimenticado!
El rumor ve conto mi
che so ben chi che xe stado”

xe le bici ribaltade
e l’antena xe cascada
le finestre sbatociade
e la pergola spacada

Rami tuti ‘ndadi in tochi
fiori conzadi per le feste
el colpevole? La bora
quà noi semo a Trieste…










1 dicembre 2011

Quel che vale



Quando con la luce bassa
lì vicino al comodino
mentre io mi addormentavo
tu ogni sera a raccontare
delle tue imprese sportive
del tuo ruolo di portiere
con le tue passioni vere
m’ hai trasmesso dei valori
che son forti nella vita
e che mi ritornan fuori
nelle strade in salita
mai mollare e con rispetto
amicizia e anche amore
soprattutto quando serve
tira fuori tutto il cuore
e poi lasciati cullare
tutto viene e tutto va
quel che vale però resta
batti cinque caro
tanti auguri buona festa

Infinito


Quando tutti fanno festa
e magari sotto un ponte
o vicino alla stazione
mi saluta un vagabondo
dal suo letto di cartone
sento un groppo alla gola
so che tu non sei più sola
quante volte sofferenze
che ti hanno accompagnata
ora han lasciato il posto
a un’atmosfera ovattata
quante volte mi hai sorriso
se io non ti ascoltavo
e poi quando stavi male
io non sempre ti ho capita
con il cuore tanti auguri
e per come mi hai cresciuto
grazie mamma all’infinito