panini caldi che la muleria
gusta sporcandose le man
ma resta sempre pan
panini de gelato, i esisti per bon....
ma se no te se movi se squaia
i te rovina la festa....
ma sempre pan resta
toast magnadi de furia,
formagio che fondi e fila
sarà anche fatti col pan quadrato,
che el peck
gà fato pian pian
e quindi resta sempre pan
ndemo in gita a far pic-nic!
cossa portemo ? un dò panini!
de crudo, cotto e formaio,
xe più san,
ma il pan xe sempre pan
per impanar fetine
bisogna farlo gratà,
ma anche se prima iera un toco intiero
sempre pan xe restà
per merenda de picio
i me dava pan ,zuchero e buro
provèlo, xe bon sicuro.....
anche se lo fazè col pan duro!
se po' el pan xe 'ssai duro,
alora i lo taia e i lo brustola in forno:
vien fora fetta biscotata
e sora ghe và la marmelata.....
per i miei fioi xe tuto una ridada
meter la marmelata per tuto,
meno che sulla fetta biscotada
ma no voio perder el fil del discorso:
anche se la feta
pan iera e pan resta
no fa differenza gnanca el tipo de pan:
pol eser un bon filon
ma anche la sc'iopeta o l’integral
no fa mai mal
logico che la zavata
no xe per far panini
e no se gà mai visto far tartine
co le bighe o le
sfogliatine
el pan caldo se sposta nelle varie tratorie
presto, la matina
e co te vol merenda el se compagna
co' un poco de porzina
insoma
che sia panini o
toast,
pan grattà o fette biscotade
xe sempre uno il gran protagonista
semplice o vestido a festa
ma gira e missia