verdure! OCIO 337

No rivar far e criticar chi fa
Xe come piantar rave
e brontolar che no cressi zuchete

Osho triestin

cocal

no dir de no rivar svolar
se no te gà mai provado a farlo

speci e ... cafè

xe...

xe croladi muri
ma zerte menti
gà 'ncora bariere

barca

in barca i me gà
'pena dito
caza la b-randa

BRIVIDOSO

stele...

se i desideri no se gà averado
iera stele S-cadenti

no sempre

Per far canestro
no sempre ocori esser
su un campo de basket...

CIUFF-emozioni a canestro

teorema

el sorger del sol
xe'l tramonto dela note

Intopandose...

Le robe riva sole
Basta gaver pazienza
No bisogna acanirse per gaverle prima del tempo
Xe come in una corsa per andar in condoto
No 'cori calar le braghe prima de rivar sula taza
Te ris'ci de intoparte e cagarte 'dosso...

magico

La magia del teatro
xe 'ncora più bela
co' te cominci capir el truco...

Ammore...

Amore 
te son la mia principessa nel castel
solo sta ferma 
intanto che te coverzo de sabia...

Nini

Come un fior che lassa 'ndar i sui petali...
Ricordarte sempre col soriso
a ciapar tuto in rider...
E i tui scherzi co' iero muleto...
Senza de ti sara' un'altra roba...
Ciao Nini...te voio ben...fa rider i nuvoli...

OCIO 311

Sperar che un mona capissi
Xe come sperar de veder
se la luce del frigo se distuda
co' te seri la porta...

Osho triestin

Baloni...

El mio primo coach me diseva spesso
"Fa girar la bala"
E mi lo 'scoltavo e per sicurezza...
fazevo girar due...

(Ciuff-emozioni a canestro)

Un momento

'Speteme: devo tornar indrio a darghe un'ociada al'auto...tuti quei che passa me disi "cruscot"...

SBRISSOSO

BASKETTOSO

CONTRASTOSO

L'importanza...

"Piovi, merda!"
E te se inacorzi del'importanza dela virgola...

se...

se la temperatura se sbassa
passo felpato

Sufia'l morbin

Dismissia pensieri
Rivoltando ricordi
Sburta nele sfese
Fazendo remitur
E se no te la 'scolti
La sufia 'sai de più'
Forsi per svolar
I sogni fin lassù'...
La bora za' de picio
Colora de morbin
E xe anche cressendo
De ogni triestin...