Su e zo pe’i clanz...
saltando come fioi...
traversando el patoc
se gavemo deciso
per darghe un cuk
Ghe xe un pontisel
de legno sbusado
che mi una volta
in acqua son cascado
Un tempo lontan
rente al bosco
co’ una casa dirocada
viveva un mato losco
Ierimo muleria
‘ssai voia de aventura
zaineto sule spale
e via nela radura
Pien de animaleti
che zompeta intorno
quà xe sempre ombra
no ‘riva sol de giorno
Come nele fiabe
ma el principe no xe
tachemo una cantada
e i alberi ne varda:
i rami sta ridendo
e par che ne domandi
indove stè ‘ndando
Meo no scherzar
chi comanda,
quà ghe xe
meo no stuzigar
xe un orco, no un re
Nel bosco un sortilegio
ga tuti trasformado
nissun no ga’ coragio
mai se ga’ ribelado
e ‘lora cari amici
noi semo quà per quel
‘nderemo de ‘sto orco
cavandose el capel
ris’ciando in’tei spini
rivemo sul canzel
la casa casca in tochi
no xe el campanel
rumori e cigolii
sula porta ghe batemo
trema un fiatin le gambe
ma in fondo riveremo
Se verzi pian pianin
ma drìo no xe nissun
de schena ghe xe un
Xe proprio lù,
el mostro
un orco ‘ssai cativo
volemo ‘ndar vardarlo
magari no a tocarlo
passetti assai pici
e se avicinemo
ma co’ rivemo là
el vecio el va in fumo
ma cossa xe un scherzo?
El fumo po’ svanissi
in tera un foglio scrito
e tuto se capissi
“se legerè sto foglio
vol dir che son sparido
bravi gavè vinto
pericolo svanido”
pensemo tuti insieme
ma chi iera ‘sto orco
lo gavemo afrontado
el mato via xe ‘ndado
sto mostro lo ga tuti
coremoghe incontro
e noi de quela volta
una roba xe sicura
che gavemo capido
come vinzer …..la paura