Te pol starghe per lavor
opur anca divertirte
xe comunque perder tempo
e un pocheto anoiarte
Co ghe xe tante scadenze
xe el sportel là che te speta
tuti sbufa e se lamenta
a remengo la boleta
Entra in stadio per el derby
sarà dura la facenda
ne convien un’altra volta
de piantarghe una tenda
E d’estate in autostrada
va in malora che caldon
se va tuti a venti a l’ora
auti, moto e camiòn
E de pici pe’l gelato
Co’ rivava el furgonzin
quela volta cominciava
za’ la fila se fazeva
no go’ voia de spetar
sburta dei che ghe la femo
scavalcar tuta ‘sta fila
te sa cossa?
noi svolemo!