Una banda de legere
1979....un squadron la rapresentativa
triestina...categoria cadetti...se parti per Pola de matina bonora...un
quadrangolare internazionale giovanile con rapresentative de Vienna, Belgrado e
Lubiana...per inaugurar un novo palasport intitolado a una gloria della
pallacanestro iugoslava del passato de poco scomparsa ......pullmann de
lusso...famiglie al seguito...bandiere e striscioni confezionade dale nostre
mamme.....pena partidi , come ogni santa trasferta che se rispetti el nostro
acompagnator comincia a spartir carte de zogo, libri , qualche caramela....a mi
inveze che sofrivo el mal de auto, el me da la.... xamamina.... per no farme
vomitar! Lui ga sempre dito " ....che no te sporcassi sti bei tapedini del
bus..." ...e te credo che no li sporcavo, dormivo tuto el tempo: se i me
dava un sonifero iera uguale!!! ...benbon....pena rivadi i ne ga portà in un
hotel in riva al mar che noi ne pareva proprio super... e là subito conferenza
stampa dei organizatori, ala presenza del grande Cesare Rubini...epur noi muli
se sentivimo fora posto...dopo diese minuti de ciacole...se gavemo
dileguado...e via tuta la sqaudra in mar...iera otobre ...fazeva anche
frescheto anche se iera un bel sol....ma noi semo stai in smoio un mucio de
tempo...e cussì za dopopranzo, per la prima partida, iera un per de noi col mal
de gola....se comincia: che emozion quando la vedova durante el riscaldamento
xe vignuda anche de mi a darme un balon e un penarel: e mi ghe go dito a Tullio
(l'alenador più amado e odiado che go avudo de giovine) "...cossa la vol
che fazzo un disegno?"...e lui se ga inalberado "...tandul, te ga de
firmar el balon , no cominciar a far el mona che se no te zoghi 2
minuti..." ..."....ehhh mama mia no 'cori miga rabiarse"...se
zoga!!...e liquidemo i austriaci ben pulito!!!...la sera dopo i festegiamenti,
sistememo le stanze e metemo tute e maie a sugar sui pergoli...libera uscita me
par fin le 22...xe che a quel'età co la discoteca in albergo...lasso imaginar che
i rientri in camera se ga svolto in un clima alquanto teso: dopo la mezanote,
con Tullio de guardia al'inizio del coridoio : el ga podù solo constatar che
tutti e 12 gavemo abondantemente sforado l'orario limite...." ah xe
cussì...bon , sperè solo de vinzer doman, i vostri aversari a sta ora xe za in
leto....quei si che diventerà campioni, altro che voi, se solo una banda de
legere"....co la coda tra le gambe semo ndai dormir...però le parole de
Tullio in cuor nostro ne gaveva fato 'ssai mal...ierimo tuti giovani promesse
(più o meno) o comunque sognavimo qualcossa de bel...savevimo anche che Tullio
gaveva ragion: no te va de nissuna parte senza regole!!!!....la matina, tanto
per farlo incavolar ncora de più se gavemo inacorto che i ne gaveva fregado
tute le maie che gavevimo messo sugar....".... se una banda de legere...
semo al piano tera, le maie se doveva meter sugar nei pogioli interni....quei
che da sul giardin de l'albergo....no su quei che da sula strada!!!"...e
cussì sempre più gobi semo scesi in campo, co le maie de riserva, scoloride e
con qualche buso...quando gavemo visto i nostri aversari, tuti ben vestidi e
concentradi, volevimo darsela gambe: pronostico senza storia ...Maurizio el
nostro pivottone de 1.98 iera alto come el playmaker de lori....sempre
meio....primo tempo sotto de 15....Tullio disperado: "savè cossa?...desso
podè far le legere...."... sarà stada l'aria....i tuffi...Rubini...el tifo
de mama e papà...o la xamamina???...ma la banda de legere ale premiazioni se ga
ritrovado sul gradin più alto del podio co l'inno de Mameli che sonava...nissun
de noi xe diventado un campion...ma credeme: per farghe diventar i oci lustri a
Tullio ghe voleva proprio una banda de legere. ................ciao coach!!
