Quante volte
noi zerchemo
che le robe
vadi giuste
solo come
che volemo
se per strada
le se storzi
noi per sora
brontolemo.
Meo inveze
imparar
che se tuto
acetemo
se sta meo
provè pensar…
Go trovado
la zemela
proprio de
l’anima mia
co’ vien fora
un difeto
basta che
ghe sia rispeto
la xe forte
e anche bela
e per mi
sempre putela
Ma siccome
gavè visto
gnanche mi
no son a bola
lasso star
senza sburtar
che la vita
vien da sola...