Semo ‘ndadi zo in sconto
per le scale in cantina
no ve digo e no ve conto
che sorpresa stamatina.
Se sentiva ‘ssai rumori
che vigniva de la zò
e cussì co’l giuboto
e in testa un bel clabuk
semo ‘ndadi tuti insieme
per voler darghe un cuk.
Una granda lampadina
che ne iluminava tuto
ma sul’ ultimo scalin
xe vignudo anche scuro
e se po’ no stemo ‘tenti
se intopemo de sicuro.
A ‘sto punto i rumori
se fa sempre più sospeti
ghe xe anca giro d’aria
torno su serar la porta.
E de colpo ‘sta mia storia
la finissi in ridade
no, no iera nessun ladro
gnanca el gato del vizzin…
Desso ela xe scampada
che la ga ciapà paura
la iera de notolada
picia, furba e anche strana
una bela pantigana