No savè che la de drìo
prima che verzi el sipario
xe un silenzio ovatado
sistemà le ultime robe
qualchedun xe concentrado
altri inveze fa le prove.
Xe la vose bela grossa
e xe anche chi camina
tuti a zercar copioni
la batuda che vien prima.
Ma xe anche
in un canton
chi sta calmo
e sera i oci...
Ciò no sta indormenzarte!
No sta bon che tegno duro
Perché mai cossa succedi?
Scusa mi no te capisso…
Xe ocupado, son che speto
devo corer in gabineto!