ocio

Sughite ben
se del’acqua
te vien fora
e no butarte
se te ga magnà
de un’ora

xe onde
sta ‘tento
a no finir sui scoi
no star ‘ssai in acqua
che tropo
te se smoi

no becar tropo sol
tien la maia se te pol

bereto in testa
e un fià de crema
no scalmanarte
che te vien l’eczema

se te ciol gelato
pian che xe iazado
ma se te ralenti
el finissi squaiado

oltre le boe no sta ‘ndar
che no se toca
e te se pol negar

la prossima volta
niente mar
e se mama me scolta
casa el pranzo magno
e po’ el tufo
lo fazo
in vasca de bagno