“speta che te conto
desso che te spiego
senza far de sconto
scoltime te prego
xe una roba strana
no so come dir
xe una setimana
no rivo dormir
però se podessi
ben te conteria
come sta le robe
'che la finiria
de romper le togne
de pensarghe sora
almeno te mandassi
anche in malora
ciapo la rincorsa
e forsi che ghe rivo
sburto le parole
cussì più no scrivo
senza brodi longhi
senza 'ndarghe intorno
no giro fritate
sora no ghe torno
pensa un pocheto
quel che te ga fato
niente,
no xe grave,
però te ga roto
e per dirla tuta
forsi te convien
sora no
tornarghe
che'l bicer xe pien
gira tante robe
tante le monade
int’una grande bala
le se ga missiade
vara che xe robe
a ‘ndar far del ben
se no’i te capissi
dopo chi li tien?
verzo tuto quanto
porte e finestre
iuto i mii amici
e ghe fazo feste
se te zapi i pìe
e te me ciol pe'l cul
meo lassar perder
che no son tandul “
…storie de ogni giorno
iera per contar
per strada o sul bus
stavo a scoltar…
…la vita xe ‘ssai meo
se la ciapemo in viz
ridemoghe sora
e bevemo un spritz!