No rivo puntual
scuseme però
ritardo go fato
no lo fazo più
Alzandome ogi
la sveia in scuro
mi go ribaltado
la sona sicuro
“No sta far casin”
la moglie e i fioi
lassili dormir
sistema i ninzioi
Ma come che fazo
per entrar in bagno
sbrisso sui parcheti
casco e no me lagno
Strenzo i denti
per no zigar
scampo i cusina
me go de sfogar
E intanto che zigo
per la schenada
meto su el cafè
ciapo una scotada
el dedo brusado
passa el dolor
e son afamado
El frigo po’ verzo
zerco marmelata
ribalto sei ovi pronta la fritata
Meo una spremuta
vitamine e più san
taio tre naranze
me sego la man
Con tuto quel sangue
ghe vol Catinara
no posso guidar
vado in coriera
Riva el controlor
biglietto no go
zinquanta de multa
me ciaperò
Coremo presto
far punti mi devo
la man va remengo
se no me distrigo
Squasi rivadi
in mezo ala strada
passa un caval
che granda frenada
La bestia xe salva
l’ambulanza in piena
i me ingruma ‘ssai svelti
co la sirena
Solo che pena
in ospedal
i me cura la gamba
ma no xe quel che fa mal
‘Ste robe succedi
pol capitar
ma se le vien insieme
meo pregar
E ala fine
go anche pensà
no iera giornada
son sta sfortunà
Se stavo dormir
iera un afaron
e magari cascava
in testa el plafon