“Quante
volte te go dito che bisogna studiar un poco per volta…desso te scondo el
borson cussì alenamento te se lo scordi per un poco..vederemo se no te
studi…”….
”ma dei papà come saria un poco per volta…studio co servi no …cossa te
parli monade”…no lo gavessi mai ditto….
”va ben fa de meno de crederme… te
capirà da solo”….come al solito lui no se rabiava più de tanto…el lasava che
sbato la testa contro el muro..e, dopo, quando gavevo capido che gaveva ragion
lui, el me sorideva…..
Chimica…che
rogna……xe certe materie che se no te studi xe dura de ‘ndar vanti e mi quel’ano
gavevo tanta voia de far…de tuto ma no de studiar…e cussì tra amici…putele…e
basket…per scola iera poco tempo…go sempre avudo la fortuna de rivar aprender
solo scoltando in classe …ma chimica proprio no me ‘ndava ne su ne zo…e anche
in classe fazevo el mona….e quel’anno xe rivà l’8 in condota….….
”Pacco
la interrogo” …
”ma
no prof no son preparado”…
”venga
le dico”…
e
intanto tuti i compagni, per no eser ciamadi lori, me insisteva che vado farme
masacrar….che simpatici….
”ma
no no xe proprio el caso, no so niente”…
”e
alora ghe meto 1”…
”e
va ben la meti”….
el
prof sfoglia el registro e dopo el sentenzia….
”benone…ma
lo sa che rischia l’esame a settembre…a meno di un rush finale da paura in cui
lei mi dimostri che è stato solo un incidente di percorso”….
Figuremose
co son tornà casa…mia mama se ga incavolà che da Servola mi digo i la ga
sentida fin Roian…e inveze mio papà ‘ssai tranquilo el me fa…” ben 1 no xe
tanto mal dei… se te ciapi 11…fazendo la media vien sei”….
che cocolo, lui me
fazeva rider sempre, anche se stavolta no iera ‘ssai de rider…..po co iera de
star seri el me vardava co la testa un poco inclinada e mi capivo al volo….sta
volta però ris’ciavo veramente e iera l’unica volta che me sia capitado: colpa
mia e basta…gavevo in testa trope altre robe…e cussì…per una settimana chiuso
in casa…fin de sera tardi:
quela volta no esisteva playstation o facebook…ma per la mia felicità in compenso
esisteva la chimica….un poco de cafè e via…tra simboli e formule…
”ma cossa
servi la chimica per far el geometra” disevo mi …”servi servi, tasi e studia”
me rispondeva mia mama…savevo indove che i me gaveva sconto el borson ma no
podevo far el furbo, anche perché comuqneu iera sta avisado anche
l’alenador…stavo capindo pian pian che me saria rovinado l’estate e cussì anche
la domenica prima dela fatidica interogazion go studiado tuto el giorno….de
sera in leto go sentido i miei che parlottava:
“sto
giro el ga ciapà una bela strenta”…
”credo
anca mi”…
”speremo
ben doman perché bravo che'l xe in tute le altre materie saria veramente un
pecà…”
sta
frase me ga da una carica che no ve
digo: iera el giudizio de mama e papà, quel che in fondo contava più de tuto
per cresser
E
cussì el giorno dopo son ndà convinto de spacar el mondo….el prof me ciama…me
trema un pcoo le gambe..iera l’ultimo e unico tentativo…fin i compagni de
classe me ga da un do pache sule spale….che cocoli ‘sto giro….parto a razzo…me
impapino su una formula…ma vado via liscio su tuto el resto…po, spavaldo fin
tropo e co la mia solita irruenza , ghe fazo…”prof alora la me domandi ncora
qualcossa”…”si si, ma prima contime una roba: perché no te ga studia’ un poco
per volta che saria stado più semplice”…de colpo el soriso de mio papà me xe
vignudo in mente….el prof soridi anche lui (che i se gabi messo d’acordo?) …bon
ndemo vanti….polifosfati…acidi….metalli…..
“Ciao
mama…ciao papà”….
“alora?”…
“alora
no go ciapado 11 però no’l me da l’esame…go fato una bela figura”….
“bravo
bravo…ierimo sicuri…e altro no’l te ga dito?”
iero
‘ssai orgoglioso ma go cedudo….
“si
che saria meio studiar un poco per volta….”
“ah
anche lui ga dito ste ….monade?”
un
breve sguardo…un soriso e un abracio…
me
ga servido de lezion….
nei
successivi 3 anni, che mancava per el diploma, no me ga mai più servido studiar
per ciapar 11…