-3-

...anche se tanti credi che no se pol

-2-

...ciapàr el tram e sperar che no’l se capoti

-1-

...incandirse davanti
la cascada jazada de val rosandra

Fa pur

Te se ga girado vardar quela co’ la minigonna

Te se ga girado vardar quela co’ la socladura

Te se ga girado vardar quela co’l spaco

Amore te go’ cricà el colo

Cussì almeno te son za girado

luce!

Co’ se vederemo fisserò i tui oci

Co se vederemo te abraderò

Co se vedermelo te acarezerò i cavei

Ma se no te paghi la boleta no se vederemo

Al ladro

No far cussì

Per ti rubassi la luna

Per ti rubassi un sorriso

Per ti rubassi el mar

Amore ma ogni volta te ciami la polizia

Amor xe

Amor xe

Avisar in tempo utile

Che te ga passà la cera

Amor xe

Amor xe

No dirme de fermarme co’l semaforo rosso

No dirme de frenar al stop

No dirme de ralentar

Va ben

Però firma ‘sta constatazion amichevole

Amor xe

Amor xe

Passarghe sora ale discussioni

Passarghe sora ai problemi

Passarghe sora ale incomprensioni

E ‘lora meti in marcia dei

Conclusion

Chi ga dito 

che no se pol rider per far le robe serie? 

El vero problema 

xe far i seri co xe de rider...