ciuff

Tutto ciò' che ho apprezzato nel basket,
 l'ho ritrovato nel teatro, 
perché il basket e' un gioco 
e sul palco si può giocare...

Ciuff-Emozioni a canestro

Jazoso

Montagne per rider

Fora del rifugio el cartel 
"stasera Lucio Perca"
...entremo, ma no canta nissun.
Domandemo un'insalata...
e'l camerier fa"songino ?"
...rispondemo "se no la sa lei..."
I ne ga' consiglia'un strucolo in quota (Strudelkopf)...
rivai afamadi a 2400 , ma no se magna niente...
Per finir el paron:"pensate, 
stamane in riva al lago mi e' scappato un coregone..." 
eh sara' l'efeto de capuzi e patate...

Maestri

De quel palco
dove i te ga' mostrà,
'scoltar ogni volta 
aplausi più lunghi
e dopo quel sipario
saver che certe emozioni
xe de provar per imparar,
perciò che le te entri dentro,
perciò che no tremi la vose.
E ricordarse de chi ga' avudo
pazienza de insegnarte
co' l'entusiasmo de un putel...

sufioni

Fresca la riva
co xe pronto in tola
un remitùr
pronti per svolar
xe chi la ciapa
solo per cantar
cavei un fià sbragadi
de tanti signori
i par pena sveiadi
i ciapa colori
ma co’ se capota
anche la tola
un dubio me ciapa
e 'ndemo ingrumar
dela bavisela
xe la controgifura
questa xe bora
remengo in malora

Bora ciacolona

Bora che ciacola, 
rugna, brontola.
Bora che scovercia, 
ribalta, spifera.
Bora che sufia, 
smovi, sbalota.
E noi a 'scoltar
e scriver quel che la disi.
Sognar a oci verti
e farse cior per man
dei sui refoli.
Perché con ela
te svoli via,
perchè la bora
xe poesia...

Ciuff

Quel emozion a canestro
quel ritrovarse
quel scriver de basket
che colora anche'l ziel.
Sora'l campeto iluminado
quei rumori de palegi
quei zighi dela panchina
a 'scoltar come una volta.
La partida come un film
el balon tirado assieme
quel ultimo tiro
che iera sempre el primo.
Iera amici de ricre...

CIUFF (emozioni a canestro)

specioso

Ricordite...

Se te parli'l dialeto

no xe facile dismentigar
quel che diseva nono
parlando in italian.
Ricorditele tute
le parole che te digo
che ormai parlar in lingua
fa tanti, che fa figo.
El triestin patoco
col ciacola seren
xe tuto programado
de niente no'l se tien.
El parla anca col corpo
te devi 'star vardar
'scoltar anca coi oci
quel che'l vol contar.
Parlade dela storia
gente che no xe più
robe che se tramanda
memoria de lassù.
E forsi soratuto
spontaneo xe'l dialeto
perchè'l vero triestin
col parla el xe s'ceto...

In malora

Co' riva la zima
semo tuti più sgionfi
remitur de vestiti
colori missiadi...
El fredo zito
pitura la zità
ma subito dismissia
un refolo de bora
per zucar bereti, cotole
e cavei
e mandar tuto in malora...