VAI...

OCIO-245

Considera' la tv spazatura
che spesso i proponi
Fussi sta piu' coerente
inserir el canone tv
nela boleta dele scovaze...

l'isola...

Al'isola dei famosi
xe'l televoto
per mandar casa i concorenti.
Con certi politici
ghe volessi el voto 
per mandarli sul'isola...

si

Una stagion de emozioni...
"Una valanga de ...morbin" e "Iera una volta"
Intensamente Bandablanda

per dir...

Chi ga' fantasia
prova agirar i ostacoli...
Chi no la ga'
se iludi de poderli meter...

otimismo

L'otimista pensa:
Se i te disi
tachite al tram
femo gita a Opcina...

mona a chi?

El mona no capissi

Ma sa

El mona no ghe riva
Ma xe oltre
El mona no se rendi conto
Ma te spiega
El mona no vol passar de mona
Ma'l ripassa
El mona xe pien de amici
Perche' i ghe vien mandadi
El mona xe tre volte bon
Perche' solo mona iera tropo
El mona fussi carigo de moneda
Con tute le zinque lire nele scarsele
El mona xe un stato mentale
Che pero' sona svodo
El mona se no'l fussi
No savessimo chi incolpar

OCIO-235

El mal del'ignoranza
xe la mancanza de umilta'...

OCIO - 234

El tempo cancela
solo quel che
volemo cancelar...

veci...

Veci che te conta 
de quando iera fioi
Nuvoli a brazeto 
che svola lontan
a ingrumar ricordi
E un sufion
tuto sbianchiza
inverigola'l cuor
E quel che iera
xe'l futuro
E'l mondo se colora
ancora...