scoverzendo fantasie

L'alba del tramonto
sognando'l doman...
Scoverzendo 
fantasie de fioi...
Rodolando co' le emozioni...
Speciandose sul mar...
Semplicemente...

Ocio...

te trovi sempre'l mona
che va sul molo col capel
co xe bora forte...
E chissa' perche'
in acqua finissi solo'l capel...

duemilasediciauguri

Sogni come fussi fioi...

Portarseli drio
e zercar
de farli diventar 
realta'...
Po' lassarli 'ndar
molarli
e fermarse a vardar
che i camina soli,
realizadi...
E nel zito dela note
riva un altro desiderio
un altro sogno
de cresser...

La mia zità

Se no la iera
ghe voleva inventarla...
Ma chissa' cossa 
vigniva fora...
E fussi sta peca'...
Per fortuna la xe...

ciuff

I canestri del cuor
xe partid
e vinte
prima dela bala a due

emozioni in quota

i silenzi in zima
i rumori dei silenzi
pensando ai colori
sognando sorisi
zogarse
come se'ltempo
gavessi messo
la retromarc


ia

basta poco...

Distuda la luce
impiza i sogni
che basta quei
per iluminar
la prossima alba...

per storto...

El mondo ala riversa...
I fioi paga un prezo
tropo alto
per le cazade dei grandi...
E i grandi dovessi cominciar
a no far come i fioi...

aquiloni

Xe nela nebia
Che se perdi
Zerti pensieri
Xe co' la bora
Che se rodola
I desideri
E l'ultimo sufion
Sburta via storie
In sconton
Carezando'l sogno
de un muleto
che cori e zuca
Un aquilon...