brontolar

Per rugnar xe sempre ...tempo

Se xe umido
almeno che vignissi bora che neta
Se xe bora 
almeno che vignissi neve
ma senza vento
Se xe neve
la neve in zità no servi meo caldo
se xe caldo
xe sofigo, no se respira e ghe volessi una piova che rinfreschi
Se xe piova
almeno che fussi temporal
cussì passa subito
Se xe temporal
che casoto: no se dormi; meo la nebia almeno la xe romantica
e no xe casoto
Se xe nebia
no se vedi un boro e xe un umido che penetra nei ossi
Se xe umido
vol dir che xe passà un anno
e se pol ricominciar a brontolar...