Co’ iero mi picio
te vol che te conto
se zogava in strada
chi sta meo sconto
Inveze desso
che xe internèt
se zoga sentadi
ma no sul bidèt
Mi me ricordo
se gavevimo fame
i butava del pergolo
pan e salame
Desso inveze
chi vol magnar
prima la sorpresa
i devi zercar
No tanti ani fa
in corte se stava
ginoci speladi
balon se zogava
Desso inveze
no esisti più fango
se va sula goma
te bali anca el tango
E noi co’i careti
a baliniere
fazevimo gara
tute le sere
Ai muli de ogi
dighe per provar
de cior un geton
per telefonar
servissi messaggi
i ga el cel scarigo
o lassà nei paraggi
Anca pe’l progresso
le robe xe cambiade
noi ‘ndavimo a pìe
siole consumade
Per ‘ndarli cior scola
sicuro saria
chi ‘ndassi co’ l’auto
fin in bideleria
Una volta spetavo
le feste che riva
iera fredo Nadal
e Pasqua fioriva
'Desso xe un poco
tuto scombinà
a Pasqua xe neve
e Nadal ‘ssai sudà
Però una roba
no xe cambiada
che la muleria
xe l’età spensierada!