No che fossi contento…
quel mai, però go sempre scoltà quel che me diseva i mii e soratuto mio
papà “xe solo un zogo”…proprio lui che per via de la guera gaveva
perso una granda oportunità sportiva nel balon e nonostante tuto el ga
sempre continuà a ramentarme quel valor sportivo…
Solo una volta me ricordo che me la son ciapada…anche se gavevimo
vinto
Xe sta stranissimo…uan sensazion particolare
Nel 1988 zogavimo una partida de campionato in casa…
vinzemo facile…tuto fila liscio…
zogo tiro segno…tuti contenti…ma mi gnanca un poco…iero nero…che più
nero no se podeva…
si perché iera la prima volta che el mio primo tifoso no iera sentà al
suo solito posto…..e per sora su quel posto ghe iera un mazo de fiori…
savevo anche che de quela volta el mio primo tifoso gaveva ciapà una
decision: quela de spostarse su un posto riservado a lui da dove el
gavessi podudo veder oltre a tute le mie partide de basket…anche quele
che gaveria zogà nela vita…e de esser legero come una piuma...ma forte come un suffion de bora...In realtà quela volta a distanza de anni la ricordo con tanto affetto
perché gavevo intorno una grande squadra che me ga sostegnudo…anche lori
un pochetin ghe ga mancado quel tifoso….