In tanti i lo disi
ma pochi lo fa
xe de ‘contentarse
de quel che se ga
Se forsi la vita
la ga ciolto tropo
ghe xe sempre un rimedio
no xe el sciroppo
Sperando in avanti
che meo ‘nderà
qualcossa che rivi
te sorprenderà
Ghe xe una balanza
del bruto e del bel
se te pol spetar
vardando in ziel
Ma xe zerte volte
che sufia la bora
basta poche rognete
e te zighi in malora
Savendo però
che no servi niente
per quel el malà
i lo ciama paziente
Acetar qualche volta
‘ssai facile no xe
però se te rivi
te par de esser re
E se no se riva
a far pian e ben
almeno a passi pici
che te convien