colori...

I colori che vedemo fora
no xe sempre quei
che gavemo dentro

fiabe...

Quei che...
Ga' la memoria corta
La lingua longa
Le 'rece grandi
Ma no c'entra 
Capuceto Rosso

matina bonora

e pò te se svei
e te se 'corzi
che no iera un sogno
e no te sta
vi dormindo

Sognando Trieste

Quando la note coverzi

i nostri sogni
Quando i sogni 'compagna
le onde del mar
Trieste in sconton
controla come una veceta
tante emozioni passar.
E ogni picia mossa
a 'scaldar la gente
butando un refolo de bora
sora Miramar
la' de piaza Grande 'rente
vizzin del nostro molo
zito a ricordar.
Come un putel
che sempre 'spera
me par de novo mama
con Trieste
che un tempo iera...
Ritrovar...

Amore...

Te go portada in zima ai monti

te go portada su isole deserte

te go portada 

in grote inesplorade
               amore ma                 te son sempre tornada casa

el sommo...

a mi...

con quel che le pago

me fa quasi pecà

butar via le scovaze

Barcolana 46

Un sufion de bora
Rivera' mi credo
Che sburtar dovessi
Ma fin che no vedo

Qualcossa me disi
Che xe meo 'spetar
Che 'ancora no tochi
A noi de sufiar

Come ogni ano
Le vele zo' in mar
Ben parchegiade
Scuminzia rivar

E tuti da ociade
assieme sbatocia
Co' la bavisela
Vizin de una stela

E come le fiabe
In soriso finissi
Partenza e arivo
E tuti capissi

Che la Barcolana
Ogni triestin
La porta nel cuor
La porta morbin

giovani promesse...

xe drio el sipario

che nassi tuto quanto

portarlo po' davanti

dove nissun sa

quanto sacrificio

in quinta xe restà

parole discussioni

che vien e dopo passa

per po' rivar asl meo

e tuti se rilassa

finida xe la prima

merda te ga ziga

ma solo in quel momento

te ga comincià

sfogliando sul copion

fin l'ìultima batuda

xe la sodisfazion

i aplausi che saluda

cresser

per far come i fioi

se pol anche esser grandi

per diventar grandi

no bisogna dimenticar

de esser stadi fioi