23 giugno 2013

La siora

la siora
dela finestra
la baba zigava
zo’ in strada
la polvere
i muli ghe alzava
perché nela mischia
zogando balon
i se le conzava
per far povleron
cussì che ridendo
la baba capiva
che un poco pe’l cul
i la cioleva
passado quel tempo
che bel che saria
vederla de novo
la de casa mia
mi ‘ndassi sicuro
col baticuor
saludar quela siora

ma portandoghe un fior

sul molo

El mulo sul molo
La mula lo mola
Lui el xe solo
Ela no lo fila
Riva una bala
Se zoga un bulo
La schiva la bela
E po’ a quel mulo
Ghe ciapa la bile
Pena che’l vedi
El bulo e la bala
'Ndar via co’ la mula
No merita mulo
Ciaparse una bala
Per quela mula
Credime a mi
Xe proprio de lole

Po vedi ti

Un bacio

Un quadro d’autore
Una foto a colori
Un mosaico d’amore
Parole del cuore
                                              Un bacio è così

Lunedì

Ormai xe lunedì
De ‘ndar a lavorar
Inutile dir che altro
Se podessi far
Ma pena che te pensi
A quei che xe per strada
Forsi che la sveia
Ridendo vien puntada
Dismissite e prova
Barzelete e lavorar
Che sempre musi seri
No se pol soportar
E chi ghe da fastidio

Che vada a c….

esclamazion

Due xe le robe che no se riva tignir
Rider e la diarea
Da qua deriva l’esclamazion
No’l riva proprio star serio

El ridi de cagarse

in più

Far ridere è un’arte
Saper ridere di se stessi

E’ qualcosa in più

meo prima

xe question de la stagion
che te beca un neverin
la de sora mi me par
i ga fato un fià casin

per i campi ghe voleva
un pocheto de sta piova
però desso ga stufado
quasi sub son diventando

xe anca vero che col caldo
tanto no va ben compagno
quel de l’africa che riva
                                                            ti contento te va al bagno

tuti brontola xe afa
tuti rugna che xe zima
e co’ un disi una roba
meo el contrario se el fa rima

ma la frase che se senti
quando el tempo xe che cambia
ghe vien ben anca la rima

che se stava meo prima

Prima o dopo

quante volte se grampemo
e sui speci rampighemo
co’ le guance che te boi
sguardo basso come i fioi
e le man che te se ingropa
te tartai un pochetin
barzelete no contar
che te pol dimenticar
ma deg rave no xe niente
manca tuta la saliva
el momento squasi riva
po’ te ciapa el baticuor
ara ti quanta fadiga
che xe pena el primo amor

mai contenti

sbregandose

se ti rider no te vol
lassa star che femo noi
che almeno co te pol
tec fa ben una ridada
che la sia per coss’ te vol
anche per unam onada
prova a lassarte ndar
no servi che te se incazi
l’entusiasmo pol iutar

xe de far come i fioluzi

Cussì xe

Gira la rioda
No merita scender
Che tanto le robe
Le torna a veder
Magari un’ ociada
De novo le da
Ghe vol ‘ssai pazienza
Le se corzerà
Ma se le dovessi
Far un altro giro
Mi ghe coro drio

E le beco sicuro

Pol servir

In scarsela cossa te ga
Te scondevi za de tanto
Son sicuro basterà
La te indriza tuto quanto

Se no te sa ciarle fora
Che i te mostri come far
Importante che te gabi
Cinque lire de mostrar

Che sia quele e no altre
E che false no le sia
Po te imparerà doprarle
Xe de mona pareria


Scriver...

Per scriver monade
No ‘cori esser mona

Ma xe tanti mone 
che prova scriver robe serie

Petitoooooooooooo

Se te ingrumavi
Quel che’l tuo can
Ga molado in strada
Prima pian pian
Mi la pestada
No gaveria fato
Su quela cagada
Che te ficassi nel piato
 
E siccome un passante
Sa chi che te son
Gnanca no neto
El mio scarpon
Desso preparo
Un figo pacheto

E te porto 
el tuo bel pranzeto

21 giugno 2013

Note

La musica cambia
Come cambia’l tempo
Se cambia quel sguardo
Mi rido contento

Nuvoli neri
Che porta la piova
Li scassemo via
Fazemo una prova

Che torna’l seren
No solo cantando
Le note de note
Anche scoltando

Eco una stela
Che canta lassù
Mai cussi’ brava
Co’ iera qua zo’

Msteri magie
De streghe e foleti
Sarà un incantesimo
Meo che te speti

Lam usica va
Almeno me par
Podemo ‘ndar ‘vanti

E intanto balar

monade in canton

Una svisada ghe vol
Ogni tanto se pol
Co tuto xe perfeto
Tropo ben abituai
No saremo e ne par
Che storto no va mai
Xe per quel che pensar
Qualche volta se devi
Pezo xe chi che sta
E se ben la ne va
Tuti no xe cussì
E alora podemo
Zerte monade
Proprio tuti quanti
Meterle i ncanton
Senza lore ndar vanti

Viva la e po bon

Nascondin



su e zo’ pe’l clanz
scampando nel patok
scondendose nel bosco
sperando che i me trovi
po’ co’ riva scuro
i muli cori casa
no iero ‘ssai sicuro
ma ‘ncora fermo sconto
la’ tignivo duro

la luna che fa luce
le stele compagnia
però me trovo solo
me par una folia

nessun stava in pensier
estate senza scola
zogavimo fin tardi
‘ssai fame pronti in tola

però mi quel giro
me la son vista bruta
i ga molado un can
sta calmo no’l fa niente
ma ierau n doberman
e son filado casa

ma no go mai savudo
se quel bel cagneto
i lo ga mandà vizzin
perché solo’l voleva

zogarse nascondin

Sveiarse bonora


Xe tuto altro
Silenzio per strada
E niente auto

De un pochi de ani
Sta bela fadiga
E desso la mula
Al traguardo la riva

La musica sempre
che fa compagnia
Ormai manca poco
No xe nostalgia

Anche se de matina
Per tanto spetar
Spesso provavo
a scriver tacar
 
come l'esorcista
ciccio sveiando
mama zigava
e ti brontolando

e ogi l'ultimo
giorno de scola
se pol concluder
co' una sola parola

Brava Franci
una canonada
e 'desso spetemo
la "maturada"



come in campagna
che 'ssai robe te sa
desso xe el racolto
e dopo te va

e quando 'vanti
sarà de studiar
su e zo'
no se poderà 'ndar

prova pensar
quante telefonade
che farà mama
no digo monade

spender saria
con quela pila
te podessi comprarte
a Bologna una vila


in boca al lupo Heidi   !!!!!!!!!!!!!!!!!

Come per magia

 
Vardavo più volte
I tui oci brilar
Seravo i mii oci
Te stavo scoltar
La vose tua magica
Tocava el mio cuor
Sul palco assieme
Un sogno un color
Chi sera sti fari
Che sul viso rifletti
Colori e ombre
Nessun te se speti
E po’ d’improvviso
El sipario se sera
Tuti saluda
Con bela maniera
Ma ti te son fermo
Come blocado
La luce nei oci
te par incandido
Sta roba xe strana
Che da' l palcoscenico
La te beca per man
Come fantasia
A brazeto con ela
Se ciama magia
No xe niente de capir
Zerte volte te par strano
No xe niente de spiegar
Se la xe ‘ndada cussì
Anche se te zercherà
Spiegazion no xe trovada
Ghe vol solo lavorar
                                                                 Che la sfida xe partida

Per forza ...

E dopo i disi che un cressi co’ le idee confuse
De muleti i ne ga insegnà 
che un dotor pol star mal 
perché la fia fa l’amor 
con tre civete sora de un comò...


Vita de...granzo

 
Ocio de sora
Tuta l’estate
Co te se movi
Fra le zavate
Che qualchedun
No te monti de sora
Te podessi zigar
E mandarlo in malora
Po ghe xe quei
Che porta’l secel
I te fica dentro
Ghe par anca bel
Sempre te cori
Per no farte becar
Slalom fazendo
Una vita a scampar
Ma la vendeta
La riva de boto
Co un se senta
Fora del canoto
Col cul in amolo
Sol a ciapar
Tuto felice

El te vien pizigar

20 giugno 2013

zakete

El mussato vien de note
A becarte le culate
Tuti che bati le man
Per s’ciocarlo xe l’autan
Ghe xe anca citronele
Sui poggioli impizade
Ga profumo ste candele
Le bestiuze insempiade
A noi no ne par vero
Par de esser in cimitero
Co’ riva la contraerea
Pronto xe el zampiron
Quela luce blu de sera
Fyumigà niente becon
Me vien facile ste rime
Co me meto a osservar
de mi i sta 'ssai lontani
                                                                No i me vien mai a becar

no xe un colpo de fulmine...

 
Xe l’ora bona
Che taco vardar
Quel che succedi
Dal molo sul mar
I ragi del sol
Xe sul’orizonmte
Proprio i te sbati
Ben sula fronte
Pensieri e canzoni
Con ti a scriver
Xe solo i cocai
Vizzini a veder
e ‘ncora ‘desso
Come tanti anni fa
Te me ripeti
Che un fiol son restà
Xe proprio amor
E mi go pensado
Che un colpo de sol

Gavemo ciapado

regolare

E come diseva nono
Se no te se senti ben

No te pol darghe la colpa 
ala carega

6 giugno 2013

"Noi pichemo..."



sula carta spesso buto
le parole che vien fora
qualcheduna resta dentro
vado ciorle xe bonora

le se ga indormenzado
e le vardo tute ben
co’ la calma le dismissio
se le ciamo lore vien

me par squasi de sentirle:
"gnanca ogi no dormimo?
go’ capì che lù vol scriver
però noi ormai pichemo"

E alora dito fato
go avù una pensada
che se scriverse le vol
me da lore una sveiada!

4 giugno 2013

Mai contenti



xe question de la stagion
che te beca un neverin
la de sora mi me par
i ga fato un fià casin

per i campi ghe voleva
un pocheto de sta piova
però desso ga stufado
quasi sub son diventando

xe anca vero che col caldo
tanto no va ben compagno
quel de l’africa che riva
ti contento te va al bagno

tuti brontola xe afa
tuti rugna che xe zima
e co’ un disi una roba
meo el contrario se el fa rima

ma la frase che se senti
quando el tempo xe che cambia
ghe vien ben anca la rima
che se stava meo prima

maggio 2013