31 dicembre 2012
29 dicembre 2012
considerazion sula crisi
Giro giro tondo
Casca el mondo
Casca la tera...
...Semo za col cul per tera
maya 1
I me ga cistà la maya
Ve aviso
Se no la salta fora entro el 21 dicembre 2012
Fazo el finimondo
20.12.12
basket nel cuor
La magia de un canestro
I rumori dela bala che rimbalza
Le ore passade a tirar da solo
La frustada dela bala ala redina
L’ultimo tiro…a fil de sirena
I calzetoni fin soto el ginocio
arbitro
La scusi
ma co’ su fio vinzi "grazie"...
a un sbaglio de
l’arbitro
(perché anche i arbitri pol sbagliar logico)
la brontola cussì tanto
come ogi
che per un sbaglio de l’arbitro el ga perso?
telecomandi
Quei che…
fazeva de telecomando umano co’ iera pici…
e no iera
tuti ‘sti canai…
se no sa che corse
flashback
Rente la cieseta
Sora el pontisel
Vardavo in acqua i pessi
Co’ mi iero putel
In sconto me ficavo
Veder no me fazevo
Se dopo de magnar
A darghe me metevo
No ste butarghe niente
Iera anca’l cartel
I fioi mai no scoltava
Rivava co’l cestel
Dopo de una domenica
Go comincià scoltar
Del ponte son sbrissado
Senza saver nudar
Fortuna che i pesseti
Tignindome la spala
Vignindo a pel de l’acqua
I me ga tignù a gala
Ogi che son tornado
Sora el pontisel
Saludo tutti i pessi
Ma no xe più’l cartel
Co’ mama e papà
Sciade e caminade
Ogi ‘ncora go sentido
Tute le ridade
I ani xe passadi
Ma sempre xe restà
Nessun sora quel ponte
Che gabi mai pescà
dicembre 2012... in giro per monti
pensavo...
La bora li porta via
La piova ne li sparpaglia de novo
La neve li scondi
El temporal li spaca in do
E co’l sol i se squaia
'Lora meo no pensar tropo
se fussi...
Me poseria sula tua spala
Amore se fussi un cagneto
Me poseria sule tue gambe
Amore se fussi un criceto
Me poseria sula tua man
Ma son una mosca
no tropo!
Trovar un perché per ogni roba
Xe impossibile
Niente succedi per caso
Sa cossa?
Me fazo un spritz
cin cin
Vedo el bicer mezo pien
Credo nele fiabe
Stago sognando a oci verti
Amore
Forsi el bicer iera mezo svodo
13 dicembre 2012
una domanda...
prima de essersela rota"...
Ma se mi me son roto altro...
posso fassar anche 'quele'?
meteomania
Prevista neve
Faremo pupazzi
Prevista piova
Salteremo nel ploch
Previsto sol
‘nderemo brustolarse
prevista bora
tuti co’ l’aquilon
previsto caldo
tuti far clanfe
e se ogni tanto
provassimo prevder
de meno?
Culinaria
me par de vederte per tuto
go’ la testa sui nuvoli
sento le farfalle in stomigo
sento sempre el tuo profumo
amore
te ga fato controlar
i funghi de ieri?
volessi
Xe sta un atimo
Te son sparida
Te go acarezada
E za
No te ieri più
No speravo più de incontrarte
So de gaverte consumada
‘ncora prima
che te fussi mia
speremo che te torni
volessi riaverte
……..tredicesima mia
Infinito
Te zercherò al’infinito….
Tuto me ricorda el tuo viso
Go’ ‘ncorai n testa co’ te son scampada
Go’ provà fermarte
No te dimenticherò mai
Tornime la borsa remengo de ladra
ciacolando
Perché ci hai da giudicare senza savere?
Fai solo che ciapare zima ala lingua
Ciolti informazioni
E poi ci possiamo ciacolare
ci verzete?
Perché no ci verzono?
Stiamo ciapando zima
Ci scola il naso
Forsi è meo se ‘ndiamo
Ficheremo ‘ste do righe su feisbuk
Ci darano un’ociata
La zcolti, cuzzì per dir
anche mi go un ponte in boca
zolo che no’l ze rozzo
12 dicembre 2012
Il lancio
Te scolti i cocai
E mi te spiego
Solo noi nel ziel azuro
E mi te spiego
Te vardi in zo
E mi te spiego
Amore no te me ga scoltà?
No so se desso
El paracadute se spiega
sera i oci
Sera i oci
El rumor del mar
Sta scoltar
Sera i oci
La bora sufiar
Sta scoltar
Sera i oci
I fioi zogar
Amore scusa
Sta scoltar
Se no verzo i oci
Me podessi intopar
el zogo continua
Un scivolo
De sora go svodà
Un pochi de sogni
Che avevo nei cassetti
E ‘lori ga tacà sbrissar
Ingrumando altri sogni
Che stava rodolando zo
A brazeto i sta ndando ‘vanti
No i riva più fermarse
E’l zogo continua
-10 bu bu...
Ti che teZa che te
So che te
Mi che te
Bon che te
Quel che te
Si che te
Za che xe
Bu bu settete
5 dicembre 2012
sicuro?
Hai fracato il
campanelo giusto?
Perché no ci verzono?
Stiamo ciapando zima
Ci scola il naso
Forsi è meo se ‘ndiamo
Ficheremo ‘ste do righe su feisbuk
Ci darano un’ociata
e forse,
dopo,
verzeranno!!
zo' de corsa
Col vento in fronte
No so cossa trovo
Rivando in fondo
Ma provo de novo
Quela sensazion
E ‘lora me molo
Col mio aquilon
-8-
Incontrar ex-ricoverai del manicomio
de san Giovanni e
domandarse:
“ ma se 'sto qua i lo gaveva serà dentro,
alora ‘desso no i se ga 'corto
de quanti xe restadi fora?”
Iscriviti a:
Post (Atom)